India ရဲ့အကြီးဆုံး Smartphone ထုတ်လုပ်တဲ့ Company က ဥရောပ မှာစတင်ရောင်းချတော့မည်

Micromax ဆိုတဲ့နာမည်ကို သင်အခုကြားဖူးချင်မှကြားဖူးမှာပါ။ ဒါပေမယ့် အနာဂတ်မှာတော့ အဲဒီနာမည် ကိုသင်ရင်းနှီးလာပါလိမ့်မယ်။ India ရဲ့အကြီးမားဆုံး Smartphone ထုတ်လုပ်တဲ့ Company ဖြစ်တဲ့ Micromax က Hollywood နာမည်ကြီးသရုပ်ဆောင် Hugh Jackman ကို ငှားရမ်းပြီး သူ့  ရဲ့  Canvas Turbo Smartphone ကို ရောင်းအားမြှင့်တင်ဖို့ပြုလုပ်နေပါပြီ။ Turbo က 1920×1080 Display ပါရှိပြီး 1.5 GHz MediaTek Chip တပ်ဆင်ထားပါတယ်။ 2GB RAM ပါရှိပြီး အရှေ့ကင်မရာ  က 5MP , အနောက်ကင်မရာက 13MP ရှိပါတယ်။ Android 4.2.1 ကိုမောင်းနှင်အသုံးပြုမှာဖြစ်ပါတယ်။ Micro SD Slot မပါရှိဘဲ On-board 16 GB Storage ပဲပါရှိပါမယ်။ ဈေးနှုန်းကတော့ $325 သတ်မှတ်ထားတဲ့အတွက်သက်သာတယ်လို့ပြောနိုင်ပါတယ်။ Canvas Turbo ကို မနက်ဖြန် India မှာရောင်းချပေးမှာဖြစ်ပါတယ်။ နောက်နှစ်မှာတော့ Russia မှာစမ်းသပ်ရောင်းချမှာဖြစ်ပါတယ်။ Russia မှာရောင်းအားကောင်းမယ်ဆိုရင် Micromax ရဲ့ Smartphone တွေကို ဥရောပ ဈေးကွက်တွေမှာ တွေ့မြင်လာရဖွယ်ရှိပါတယ်။