Obama က Newyork မြို့ Brooklyn အခြေစိုက် သိပ္ပံ နှင့် နည်းပညာ အထူးပြု အထက်တန်းကျောင်းတစ်ခုမှာ နည်းပညာ နယ်ပယ် မှာ ကျောင်းသားတွေ အခွင့်အလမ်းတွေရရှိအောင်ပြုလုပ်ပေးဖို့ပြောကြားလိုက်ပါတယ်။ နောက်ပြီး U.S ကကျောင်းသားတွေအားလုံး မြန်နှုန်းမြင့် အင်တာနက်အသုံးပြုနိုင်ဖို့ အထူးအစီအစဉ်တွေချမှတ်ဆောင်ရွက်နေကြောင်းလည်းပြောကြားပါတယ်။
Obama ကတက်ရောက်လာသူတွေကို ပြောကြားရာမှာ “ကျောင်းသားတိုင်းကို ကမ္ဘာ့ သတင်းအချက်အလက်တွေပေးသင့်ပါတယ်။ နောက် ငါးနှစ်အတွင်းမှာ ကျောင်းသား 99% ကို မြန်နှုန်းမြင့် အင်တာနက်အသုံးပြုနိုင်အောင် အစိုးရ ကလုပ်ဆောင်နေပါတယ်။ နည်းပညာနဲ့ပတ်သက်တဲ့ စီးပွားရေးလုပ်ငန်းတွေမှာ လုပ်ကိုင်နိုင်အောင် လူငယ်တွေကို ပြုစုပျိုးထောင်ဖို့ အထက်တန်းကျောင်းတွေ ကို လည်းပြုပြင်မွမ်းမံရပါမယ်။”
စာသင်ခန်းတွေထဲကို အကောင်းဆုံးနည်းပညာတွေ သယ်ဆောင်လာဖို့အတွက် စီးပွားရေးလုပ်ငန်းရှင်တွေ၊ ထူးချွန်တဲ့ ပညာရေး၀န်ထမ်းတွေ နဲ့လည်းတွေ့ဆုံဆွေးနွေးပြီးပြီလို့ Obama ကဆက်ပြောပါတယ်။အရင်က Pathways in Technology Early College High School လို့ခေါ်တဲ့ P-Tech High School လိုကျောင်းမျိုးတွေပေါ်ထွက်အောင်ပြုလုပ်ရပါမယ်။
P-Tech High School ရဲ့ စာသင်နှစ်ခြောက်နှစ်အစီအစဉ် မှာ အတန်း(၉) ကနေ(၁၄) အထိပါ၀င်မှာဖြစ်ပြီး လေးနှစ် ကို အထက်တန်း သင်ရိုးများသင်ကြားပြီး ကျန်နှစ် နှစ်ကို ကောလိပ် သင်ရိုးများသင်ကြားပေးတာဖြစ်ပါတယ်။ အဲဒီအတွက် ကျောင်းသားတွေဟာ ကောလိပ် ကျောင်းတွေမှာ ရတဲ့ဘွဲ့တွေကို P-Tech ကနေ အခကြေးငွေအနည်းငယ်နဲ့ရနိုင်ပါတယ်။ ခြောက်နှစ်လုံးကို သိပ္ပံပညာ၊ အင်ဂျင်နီယာပညာ၊ကွန်ပြူတာပညာရပ်တွေကို အဓိက သင်ကြားတာဖြစ်ပါတယ်။
ကလေးတွေကို ဒီလိုကျောင်းမျိုးတွေကို တတ်နိုင်သလောက်ပို့နိုင်အောင်ကြိုးစားသင့်ပါတယ်။ ဒီနိုင်ငံကိုပြောင်းရွှေ့အခြေချလာတဲ့လူတိုင်းကိုလည်းဒီလိုအခွင့်အရေးမျိုးတန်းတူပေးနိုင်အောင်ကြိုးစားသင့်ပါတယ် လို့ Obama ကဆက်လက်ပြောဆိုပါတယ်။
P-Tech Program ကို ကျောင်းသားတွေ နည်းပညာအလုပ်အကိုင်တွေ မှာအဆင်သင့်၀င်ရောက်နိုင်အောင် New York Public Schools, IBM နဲ့ အစိုးရ ရဲ့ ပူးပေါင်းဆောင်ရွက်မှုတွေနဲ့ လုပ်ဆောင်နေတာပါ။
P-Tech မှာ အတန်း (၉) ရောက်ရှိတဲ့သူတိုင်းကို IBM က ညွှန်ကြားသူတစ်ယောက်က အနီးကပ် ညွှန်ကြားပြသပေးနေမှာဖြစ်ပြီး ဘွဲ့ရတာနဲ့အလုပ်ရနိုင်အောင်ကူညီပေးနေမှာပါ။ သုံးနှစ်မြောက်မှာတော့ IBM, P-Tech တို့မှာ အလုပ်ခွင်၀င်ရောက်ပြီးသင်ကြားလေ့လာနိုင်ပါတယ်။
အဲဒီအတွက်ကောင်းမွန်တဲ့ လုပ်ငန်းခွင်အတွေ့အကြုံကိုရရှိစေပြီးအလုပ်အကိုင်ကောင်းတွေကိုရရှိစေမှာပါ။ Company တွေကလည်း ဒီလိုကျောင်းသားမျိုးတွေကိုခေါ်ယူချင်မှာပါ လို့ Obama ကပြောပါတယ်။ IBM ကပြောကြားရာမှာတော့ ဘွဲ့ရရှိတာနဲ့အလုပ်ကအဆင်သင့်ဖြစ်နေမှာပါ။ ကျောင်းစရိတ်တွေကိုလည်း အနည်းဆုံး ဖြစ်အောင်ပြုလုပ်ပေးထားပါတယ်။
ဒီကျောင်းတွေကို စဖွင့်ဖွင့်ချင်း ၂၀၁၁ ခုနှစ်မှာတော့ တင်းကျပ်ထားခဲ့ပြီး အနာဂတ်မှာတော့ P-Tech ကျောင်းပေါင်း ၁၆ ကျောင်းတိုးချဲ့ဖွင့်လှစ်ဖို့ New York State ကခွင့်ပြုဖို့ရှိပါတယ်။
Obama က P-Tech ရဲ့ရည်မှန်းချက်တွေကို ထောက်ခံနေခဲ့တာဟာ ၂၀၁၂ ခုနှစ်ကတည်းကဖြစ်ပါတယ်။
New York မြို့တော်၀န် Michael Bloomberg ကလည်း အထက်တန်းအောင်လက်မှတ်တွေဟာ အလယ်အလတ်အဆင့်အတန်းမဟုတ်တော့ပါဘူး။ P-Tech လို စမ်းသပ်နေဆဲ Program တွေကနေ နည်းပညာကျွမ်းကျင်လုပ်သားတွေကိုမွေးဖွားပေးနိုင်မှာပါ လို့ပြောဆိုပါတယ်။
ဒီက”အာ”ဘားမားေတြကေရာ
စပြန္ဆာရွာေနတာ
ျမန္မာျပည္ လာမည္ ေနာင္အနွစ္ ၃၀၀၀