Apple က သူ့ ရဲ့ Customer တွေရဲ့ သတင်းအချက်အလက်တွေကိုတောင်းဆိုတဲ့ နိုင်ငံတွေနဲ့ တောင်းဆိုတဲ့ အကြိမ်အရေအတွက်ကို ထုတ်ဖော်ပြသလိုက်ပါတယ်။ အောက်မှာဖော်ပြထားတဲ့ ဇယားက 2013 ခုနှစ် January 1 ရက် နေ့ကနေ June 30 ရက်နေ့အထိ တောင်းဆိုခဲ့တဲ့ နိုင်ငံတွေနဲ့ တောင်းဆိုမှုအကြိမ်အရေအတွက်ကိုပြထားတာဖြစ်ပါတယ်။
ဒီလိုသတင်းထုတ်ပြန်ချက်ဟာ Apple ရဲ့ ပထမဆုံးဖြစ်ပြီး ခွင့်ပြုပေးပို့လိုက်ရတဲ့သတင်းအချက်အလက်တွေကိုဖော်ပြထားပါတယ်။ သူ့ရဲ့ Customer တွေနဲ့ Apple ကြားမှာလည်း ပိုမိုပွင့်လင်းမြင်သာတဲ့ဆက်ဆံရေးမျိုးရှိအောင် နောက်ပိုင်းမှာ ဒီလို သတင်းတွေကိုပိုပြီးထုတ်ပြန်မယ်လို့ Apple ကပြောပါတယ်။
၂၀၁၂ ခုနှစ် ဒီဇင်ဘာလ တစ်လထဲကနေ အမေရိကန် အစိုးရရဲ့ သတင်းအချက်အလက်တောင်းဆိုမှုပေါင်း ၄၀၀၀ ကနေ ၅၀၀၀ ကြားမှာရရှိခဲ့တယ်လို့ Apple က ၂၀၁၃ ခုနှစ် ဇွန်လတုန်းက ပြောဆိုဖူးပါတယ်။အဲဒီအချိန်တုန်းကတော့ Apple က တောင်းဆိုမှုတွေကို သုံးသပ်ပြီး သတင်းအချက်အလက်တွေကို အနည်းဆုံးဖြစ်အောင်ပေးပို့ခဲ့တာပါ။
ဇူလိုင် လမှာတော့ Apple က တစ်ခြား အမေရိကန် နည်းပညာ Company တွေဖြစ်တဲ့ Gogle,Facebook တို့နဲ့ပူးပေါင်းပြီး အစိုးရရဲ့ သတင်းအချက်အလက်တောင်းဆိုမှု အကြိမ်အရေအတွက်ကို သူတို့ရဲ့ Customer တွေကို ပုံမှန်သတင်းထုတ်ပြန်ခွင့်ကိုတောင်းဆိုခဲ့ပါတယ်။