iPhone ဖြင့် သင့် အိမ် တစ်ခုလုံးကို ထိန်းချုပ်နိုင်အောင် Apple ကပြုလုပ်ပေးမည်
သင် အိမ် ရောက်တဲ့ အခါသင်ကိုယ်တိုင်ပြုလုပ်စရာမလိုဘဲ မီးတွေ အလိုလိုဖွင့်ပေးမယ်၊ Air Conditioner ကို အလိုလိုဖွင့်ပေးမယ်၊ ညစာအတွက်ဟင်းတွေကိုနွှေးပေးဖို့မီးဖိုအလိုလိုဖွင့်ပေးနိုင်မယ်ဆိုရင် အလွန်အဆင်ပြေမှာပါ။ အနာဂတ်မှာတော့ အဲဒီအလုပ်တွေကို iPhone ကပြုလုပ်ပေးတော့မှာပါ။
အင်္ဂါနေ့က Apple ရဲ့ ထုတ်ဖော်ပြောကြားချက်အရ မကြာခင်မှာ ဒီနည်းပညာဟာ အကောင်အထည်ပေါ်လာတော့မှာပါ။ iPhone ရဲ့ GPS နဲ့ Wireless နည်းပညာတို့ကို အသုံးပြုပြီး သင့်အိမ်က Wireless Device တွေကို အလိုလိုခိုင်းစေနိုင်တာပါ။
မီးအဖွင့်အပိတ်ပြုလုပ်ပေးတဲ့ System တွေ၊ Security နဲ့ ပတ်သက်တဲ့ System တွေ၊ ကားသိမ်းတဲ့ အခန်း ရဲ့ တံခါးကိုဖွင့်ပေးတာတွေ၊ မီးဖိုချောင်သုံးပစ္စည်းတွေကို ဖွင့်ပေးတာတွေ ကို iPhone ကအလိုလိုပြုလုပ်ပေးနိင်တော့မှာပါ။
Apple ရဲ့ နည်းပညာဟာ Wireless Device တွေသာမကဘဲ Ethernet နဲ့ချိတ်ဆက်နိုင်တဲ့ Device တွေကိုပါ ထိန်းချုပ်နိုင်မယ်လို့သိရပါတယ်။
