Samsungက Appleကို တိုက်ခိုက်မှုတွေကို ထပ်မံ ပြုလုပ်လိုက်ပါပြီ။ ပြီးခဲ့တဲ့ တစ်ပတ်က ကြေညာလိုက်တဲ့ Appleရဲ့ iPhone 6 Plusကို Samsungက ထိုးနှက်လိုက်တာပါ။ Appleရဲ့ iPhone 6ကြေညာတဲ့ ပွဲမှာ တိုက်ရိုက်ထုတ်လွှင့်မှုတွေ အဖုအထစ်ရှိခဲ့တာကိုလည်း ဝေဖန်ပြောဆိုနေကြပါတယ်။ အခုတစ်ခါတော့ Samsungက အရွယ်ကြီး စမတ်ဖုန်းကို သူအရင် ထုတ်လုပ်တယ်ဆိုတာကို အဓိက ထိုးနှက်လိုက်ပါတယ်။
အောက်မှ ဗီဒီယိုမှာ Samsungက Note စမတ်ဖုန်းတွေရဲ့ အလွန်ကြီးမားတဲ့ အရွယ်ကို ပျက်ရယ်ပြုထားတဲ့ မီဒီယာတွေရဲ့ ရေးသားချက်တွေနဲ့ iPhone 6 Plusဟာ Noteကို အတုခိုးထားတယ်ဆိုတဲ့ ဝေဖန်မှုတွေကို ပြသထားပါတယ်။
http://www.youtube.com/watch?v=oxhSnNZH3Rk
သေချာပါတယ်။ Appleကလည်း Samsungကို ပြန်လည် တိုက်ခိုက်မှာပါ။ Apple CEO Tim Cookက Samsungက သူ့ရဲ့ အဓိက ပြိုင်ဖက် မဟုတ်ဘဲ Googleကသာ အဓိကပြိုင်ဖက် ဖြစ်ကြောင်း PBSကို ပြောကြားခဲ့ပြီးပါပြီ။
Samsungက အရွယ်ကြီး စမတ်ဖုန်းတွေကို အရင်ဆုံး ထုတ်လုပ်တာ ဖြစ်ပေမယ့် ၅.၅ လက်မ iPhone 6 Plusက Galaxy Noteကို ကောင်းကောင်း ယှဉ်ပြိုင်နိုင်တယ်လို့ ခွဲခြမ်းစိတ်ဖြာသူတွေက သုံးသပ်နေကြပါတယ်။
