Apple က Mobile Payment ၀န်ဆောင်မှုကို ပြုလုပ်မယ်လို့ အင်တာနက် စာမျက်နှာများမှာ ရေးသားနေကြပါတယ်။ ကုန်ပစ္စည်းတွေနဲ့ ၀န်ဆောင်မှုတွေကို Apple ရဲ့ Device များမှ ငွေပေးချေနိုင်မှာဖြစ်ပါတယ်။ ဘယ်အချိန်မှာ ၀န်ဆောင်မှုကို စတင်ပေးမယ်ဆိုတာကိုတော့ မသိရသေးပါဘူး။ တစ်ချို့ကလည်း iOS 8 မှာ စတင်ပါ၀င်မယ်လို့ပြောကြပါတယ်။ iOS 8 ကို Apple က စတင်ပြုလုပ်နေတာကတော့ သေချာပါတယ်။
Apple ရဲ့ ၀န်ဆောင်မှုဟာ Paypal , Google Wallet, Square, Stripe နဲ့ အခြား Mobile Payment ၀န်ဆောင်မှုများကို ယှဉ်ပြိုင်မှာဖြစ်ပါတယ်။ Apple ရဲ့ iTunes Account (၅၇၅) သန်း ဟာ Credit Card တွေနဲ့ ချိတ်ဆက်ထားတာဖြစ်ပြီး Apple က အဲဒီ သူတွေကို သူ့ရဲ့ ၀န်ဆောင်မှု ကို အသုံးပြုဖို့ အလွယ်တကူ သိမ်းသွင်းနိုင်မှာဖြစ်ပါတယ်။
၂၀၁၂ ခုနှစ်တုန်းကလည်း Apple က Mobile Payment ကို ပြုလုပ်မယ်လို့ သတင်းတွေထွက်ပေါ်ခဲ့ဖူးပါတယ်။ ဒါပေမယ့် အမှန်တကယ် ဖြစ်ပေါ်လာခြင်းမရှိပါဘူး။ အဲဒီအစား Apple က ဈေး၀ယ်ကူပွန်၊ လက်မှတ် တွေကို သိမ်းဆည်းနိုင်တဲ့ Passbook App ကို ၀န်ဆောင်မှုပေးခဲ့ပါတယ်။ အဲဒီ App ဟာ Credit Card နဲ့ တိုက်ရိုက်ချိတ်ဆက်လို့မရပါဘူး။
Apple က iOS 7 မှာ iCloud Keychain ကိုထည့်သွင်းခဲ့ပြီး Credit Card တွေကို သိမ်းဆည်းနိုင်ပြီး Sync လုပ်နိုင်တဲ့ စွမ်းရည် ကိုထည့်သွင်းခဲ့ပါတယ်။ Wall Street Journal ရဲ့ သတင်းသာမှန်မယ်ဆိုရင် Apple က Mobile Payment ၀န်ဆောင်မှုကို စတင်တော့မှာဖြစ်ပါတယ်။