HTC က Nexus Device အသစ်တစ်ခု ထုတ်လုပ်ဖို့ Google နဲ့ ပူးပေါင်းမှာ ဖြစ်တယ်လို့ သတင်းရရှိပါတယ်။ အမည်မဖော်ပြလိုတဲ့ သတင်းအရင်းအမြစ်များအရ ဇူလိုင်လနဲ့ ဩဂုတ်လအတွင်းမှာ HTC က စွမ်းဆောင်ရည်မြင့် Nexus Tablet တစ်လုံးကို ထုတ်လုပ် မယ်လို့ သိရပါတယ်။ HTC ကတော့ အဆိုပါ အကြောင်းအရာနဲ့ ပတ်သက်ပြီးတော့ ပြောကြားခြင်း မရှိသေးပါဘူး။
HTC က Nexus One Smartphone ကို ပထမဆုံး ထုတ်လုပ်ပေးခဲ့တဲ့ Company လည်း ဖြစ်ပါတယ်။ ၂၀၁၀ ခုနှစ်မှာ မိတ်ဆက်ခဲ့ပြီး Google နဲ့ HTC တို့ ပူးပေါင်းပြီး Nexus One Smartphone ကို ထုတ်လုပ်ခဲ့တာ ဖြစ်ပါတယ်။ HTC က အဲဒီအချိန်တုန်းက Tablet စျေးကွက်မှာ ရုန်းကန်ခဲ့ရပြီး ၇ လက်မအရွယ် Flyer/HTC Evo View 4G နဲ့ ၁၀.၁ လက်မအရွယ် Jetstream Tablet နှစ်မျိုးသာ ထုတ်လုပ်ခဲ့တာ ဖြစ်ပါတယ်။ ဒါပေမယ့် HTC က Tablet လောကမှာ ပြန်ပြီး အောင်မြင်မှုရအောင် ပြုလုပ်နိုင်ခဲ့ပါတယ်။ Nexus Device များဟာ စျေးနှုန်းသက်သာပြီး စွမ်းဆောင်ရည်မြင့်ကြတဲ့အတွက် ရောင်းအားကောင်းမယ် ဆိုတာကတော့ သေချာပါတယ်။
HTC နဲ့ Google က Nexus Tablet အသစ် ထုတ်လုပ်မယ်ဆိုရင် HTC က Tablet ထုတ်လုပ်တဲ့ စျေးကွက်ကို ပြန်လည် ရောက်ရှိကောင်း ရောက်ရှိနိုင်လာတယ်လို့ ကျွမ်းကျင်သူတွေက သုံးသပ်ကြပါတယ်။