ဖိလစ်ပိုင် နိုင်ငံမှာ မကြာမီက တိုက်ခတ်ခဲ့တဲ့ မုန်တိုင်းကြောင့် ပျောက်ဆုံးနေသူတွေကို ရှာဖွေကယ်ဆယ်ဖို့အတွက် အသုံးပြုနိုင်မယ့် Application တစ်ခုကို Google ကပြုလုပ်ပေးလိုက်ပါတယ်။ Yolanda လို့လည်းခေါ်ဆိုတဲ့ Typhoon Haiyan အမည်ရတဲ့ တိုင်ဖွန်းမုန်တိုင်း ကြောင့် လူပေါင်း တစ်သောင်း ၀န်းကျင် သေဆုံးခဲ့တယ်လို့ တရား၀င် သတင်းအချက်အလက်တွေက ပြောကြားပါတယ်။
အဲဒီ Tool မှာ Google Person Finder ဆိုတဲ့ Web App ပါရှိပြီး ပျောက်ဆုံးနေတဲ့သူတွေကိုရှာဖွေဖို့ အပြင် အသက်မသေကြောင်းသတင်းပို့ဖို့ စတာတွေပြုလုပ်နိုင်ပါတယ်။ အဲဒီ Tool ကိုအသုံးပြုသူအရေအတွက်များလာလေလေ ပျောက်ဆုံးသူတွေကို ရှာဖွေရလွယ်ကူလာလေလေဖြစ်ပါတယ်။ Mobile Version ကိုလည်းပြုလုပ်ပေးထားတယ်လို့ Google ကပြောပါတယ်။
Google က မုန်တိုင်းကယ်ဆယ်ရေးမြေပုံ ကိုလည်းပြုလုပ်ပေးထားပြီး မုန်တိုင်းတိုက်ခတ်သွားတဲ့ ဒေသရဲ့ ကယ်ဆယ်ရေးစခန်းတွေ နဲ့ တစ်ခြား သတင်းအချက်အလက်တွေကို သိရှိနိုင်ပါတယ်။