ကိုရီးယား မှာ ဒီနေ့ကျင်းပတဲ့ Tizen Developer Summit အစည်းအဝေးမှာ Tizen Mobile OS ကိုအသုံးပြုမောင်းနှင်တဲ့ ပထမဆုံး Device ကို Samsung က ထုတ်ဖော်ပြသလိုက်ပါတယ်။ စိတ်၀င်စားစရာကောင်းတာက အဲဒီ Device ဟာ စမတ်ဖုန်းမဟုတ်ဘဲ ကင်မရာ ဖြစ်နေတာဖြစ်ပြီး တောင်ကိုရီးယားမှာ စတင်ရောင်းချပေးနေပါပြီ။ အဲဒီကင်မရာကတော့ NX300M ဖြစ်ပါတယ်။ Core Tizen နည်းပညာဖြင့်ပြုလုပ်ထားပြီး Boot တက်တဲ့နှုန်းဟာ အလွန်လျှင်မြန်ပြီး ကင်မရာ ရဲ့ စွမ်းဆောင်ရည်ကလည်းအလွန် ကောင်းမွန်ပါတယ်။
Tizen ကိုအသုံးပြုမောင်းနှင်မယ့် စမတ်ဖုန်းတွေကိုလည်း ၂၀၁၄ နှစ် အစပိုင်းမှာရောင်းချမယ်လို့ Samsung က အရိပ်အမြွက်ပြောကြားပါတယ်။ အဲဒီ ဖုန်းတွေကို Tizen 2.2.1 လည်ပတ်မောင်းနှင်မှာဖြစ်ပြီး ၂၀၁၄ ခုနှစ် July လကနေ September လအတွင်းမှာ Tizen 3.0 ကို အဆင့်မြှင့်တင်နိုင်ဖို့ပြုလုပ်ပေးမယ်လို့မျှော်လင့်ရပါတယ်။ Tizen 3.0 မှာ multi-user accounts တွေကိုအသုံးပြုနိုင်မှာဖြစ်သလို 64-bit architecture , 3D rendering engine တွေအပါအ၀င် နည်းပညာအသစ်တွေပါ၀င်လာမှာဖြစ်ပါတယ်။
