Microsoft ကုမ္ပဏီ၏ Chief Security Officer and Advisor (Asia) တစ်ဦးဖြစ်သူ Mr. Pierre Noel မြန်မာနိုင်ငံသို့ လာရောက်၍ ကွန်ပျူတာ၊ ကွန်ရက်၊ Product စသည်တို့၏ လုံခြုံရေးအပိုင်းနှင့် ပတ်သက်သည့် အလုပ်ရုံဆွေးနွေးပွဲများ ပြုလုပ်သည်ဟု မြန်မာနိုင်ငံ ကွန်ပျူတာလုပ်ငန်းရှင်အသင်းမှ တာဝန်ရှိသူတစ်ဦးက ပြောကြားသည်ဟု သိရသည်။
Mr.Pierre Noelသည် စက်တင်ဘာ ၁၆၊ ၁၇၊ ၁၈ရက်တို့တွင် ရန်ကုန်၊ နေပြည်တော်တို့၌ အလုပ်ရုံ ဆွေးနွေးပွဲများ ပြုလုပ်မည်ဟု သိရသည်။ အလုပ်ရုံဆွေးနွေးပွဲတွင် e-Governmentအတွက် အသုံးပြုနေသည့် Productများနှင့် ပတ်သက်သည့် လုံခြုံရေးပိုင်းနှင့်ပတ်သက်၍ သိသင့်သည်များကို ဆွေးနွေးသွားမည်ဟု ဆိုသည်။
ထို့အပြင် Myanmar Computer Emergency Respond Team (mmCERT)မှ တာဝန်ရှိသူများနဲ့ တွေ့ဆုံ၍ လုံခြုံရေးနှင့် ပတ်သက်သည့် ဆွေးနွေးမှုများကိုလည်း ပြုလုပ်မည်ဟု သိရသည်။
