စမတ်ဖုန်းအသုံးပြုသူများ ရဲ့ (၁၂) ရာခိုင်နှုန်းဟာ လမ်းလျှောက်ရင်း စာရိုက်ကြတယ်လို့ သိရပါတယ်။ လမ်းလျှောက်ရင်း စာရိုက်တဲ့အခါမှာ အန္တရာယ်တွေ ဖြစ်ပွားမှုများပြားလာတဲ့ သတင်းတွေ အင်တာနက် မှာ ကြားသိရပါတယ်။ Apple က iPhone အသုံးပြုပြီး လမ်းလျှောက်ရင်း စာရိုက်တဲ့အခါမှာ ရှေ့က အရာတွေကို ဖုန်းမျက်နှာပြင်မှာ မြင်တွေ့နိုင်တဲ့ ဖောက်ထွင်းမြင်ရတဲ့ “Transparent Texting” နည်းပညာ နဲ့ ပတ်သက်တဲ့ Patent ကို အမေရိကန် Patent and Trademark ရုံးမှာ ကြာသာပတေးနေ့ က မှတ်ပုံတင်လိုက်ပါတယ်။
iPhone ရဲ့ Message App မှာ စာရိုက်နေစဉ်မှာ အနောက်ကင်မရာကနေ ရှေ့မှာ ဖြစ်ပျက်နေတာကို ရိုက်ကူးပေးမှာ ဖြစ်ပြီး ဖုန်းမျက်နှာပြင်မှာ ပြသပေးမှာ ဖြစ်ပါတယ်။ အဲဒီစွမ်းဆောင်ချက် ကို အဖွင့်၊ အပိတ်လုပ်နိုင်မှာ ဖြစ်ပါတယ်။ Message App အပြင် အခြား Apps များမှာပါ အသုံးပြုနိုင်မယ်လို့ မျှော်လင့်ရပါတယ်။
Apple က အဲဒီနည်းပညာ ကို အခုမှ စလုပ်တာဖြစ်ပေမယ့် အဲဒီစွမ်းဆောင်ချက် ကို ပြုလုပ်ပေးနိုင်တဲ့ iOS နဲ့ Android Apps များ ထွက်ရှိပြီးဖြစ်တယ်လို့ သိရပါတယ်။ Type n Walk (iOS) နဲ့ Walk N Text (Android) တို့က အဲဒီလို စွမ်းဆောင်ပေးနိုင်ပါတယ်။
အဲဒီ Apps တွေနဲ့ Patent တွေဟာ လမ်းလျှောက်ရင်း စာရိုက်တဲ့ သူတွေအဖို့ ကောင်းမွန်ပေမယ့် အန္တရာယ်များဆဲဖြစ်တယ်လို့ ကျွမ်းကျင်သူတွေက သုံးသပ်ပါတယ်။ Walk N Text က သူ့ရဲ့ App ဟာ လမ်းလျှောက်ရင်း စာရိုက်ဖို့ပြုလုပ်ပေးထားတာဖြစ်ပြီး ကားမောင်းနေစဉ်မှာ အသုံးမပြုဖို့ သတိပေးထားပါတယ်။
