Samsung က နိုင်ငံအချို့က အရောင်းဆိုင်တွေမှာ Galaxy S5 ကို မြည်းစမ်း အသုံးပြုနိုင်အောင် စီစဉ်ပေးထားပါတယ်။ အမေရိကန် နဲ့ ဆွစ်ဇာလန် နိုင်ငံတွေမှာ ဖြစ်ပါတယ်။ အရောင်းဆိုင်တွေ နဲ့ မနီးလို့ပဲဖြစ်ဖြစ် ၊ မသွားရောက်နိုင်လို့ပဲဖြစ်ဖြစ် Galaxy S5 ကို မြည်းစမ်းအသုံးပြုနိုင်တဲ့ Galaxy S5 Experience ဆိုတဲ့ Android App ကိုလည်း Samsung က ပြုလုပ်ပေးထားပါတယ်။ Galaxy S5 အပြင် Samsung ရဲ့ Wearable Device တွေကိုပါ မြည်းစမ်းသုံးနိုင်မယ်လို့ ဆိုပါတယ်။
တကယ့် Galaxy S5 ကို အသုံးပြုနေသလိုတော့ ခံစားရမှာ မဟုတ်ဘဲ Galaxy S5 ရဲ့ အဓိက စွမ်းဆောင်ချက်များ ကို သိရှိခံစားရမှာဖြစ်ပါတယ်။ Galaxy S5 ရဲ့ ကင်မရာ ၊ S Health App နဲ့ ဘက်ထရီ ကို အလွန်အသုံးခံစေမယ့် စွမ်းဆောင်ချက်တွေ အပြင် အခြား စွမ်းဆောင်ချက်တွေကို စမ်းသပ်နိုင်မှာဖြစ်ပါတယ်။
App ကို အသုံးပြုဖို့ အတွက် Android 4.0 နဲ့ သူ့အထက် ရှိရပါမယ်။ Screen Resolution က 480×800 Pixels နဲ့ 1GB RAM ရှိရပါမယ်။ Processor ရဲ့ Clock Speed က 1.0GHz ရှိရပါမယ်။ အဲဒီ App က တက်ဘလက်များမှာ အလုပ်မလုပ်ဘူးလို့ သိရပါတယ်။
Samsung က Galaxy S5 ကို ဧပြီလ (၁၁) ရက်နေ့မှာ စတင်ရောင်းချပေးမှာဖြစ်ပါတယ်။
