Samsung Galaxy S5 မှာ Hidden Feature တစ်ခုပါရှိပြီး Baby Monitor အနေနဲ့ အသုံးပြုနိုင်မှာ ဖြစ်ပါတယ်။ ကလေး နားမှာ Galaxy S5 ကို ထားမယ်ဆိုရင် ကလေး ငိုတာနဲ့ Galaxy Gear Smartwatch မှာ အချက်ပေးမှာဖြစ်ပါတယ်။ Tech Blogger တွေက S5 ရဲ့ Accessibility Menu မှာ Baby Crying Detector ကို ရှာဖွေတွေ့ရှိခဲ့တာဖြစ်ပါတယ်။ S5 ရဲ့ Microphone က ကလေးငိုသံ ကို သိရှိနိုင်ပြီး ချိတ်ဆက်ထားတဲ့ Galaxy Gear Smartwatch သို့ တုန်ခါ အချက်ပေးမှာ ဖြစ်ပါတယ်။
အဲဒီစွမ်းဆောင်ချက်က ဖုန်းကို ကလေးနဲ့ တစ်မီတာ အကွာ မှာ ထားရှိရင် အကောင်းဆုံး အလုပ်လုပ်တယ်လို့ သိရပါတယ်။ အထူးသဖြင့် ဆူညံမှု မရှိတဲ့ အခန်းမှာ ဆိုရင် သင့်တော်ပါတယ်။ အဲဒီစွမ်းဆောင်ချက် ကို အသုံးပြုဖို့ စမတ်နာရီ ကို ၀ယ်ယူဖို့လိုတာ က မကောင်းတဲ့အချက်တစ်ခုဖြစ်ပါတယ်။ ကလေးအိပ်နေတဲ့ အချိန်မှာလည်း Message, Phone Call များ ၀င်လာရင် အဆင်မပြေဘူးလို့ ကျွမ်းကျင်သူတွေက သုံးသပ်ပါတယ်။
