LG ဟာ ပြီးခဲ့တဲ့ ဗုဒ္ဓဟူးနေ့ကပဲ သူ့ရဲ့ မျက်နှာပြင်အကျယ် ၁၀၅ လက်မရှိတဲ့ ကွေးကောက် Ultra HD TV ကို မိတ်ဆက်လိုက်ပါတယ် ။ ဒီလောက်ကြီးတဲ့ TV ကို သင့်ရဲ့ ဧည့်ခန်းထဲမှာ ဘယ်လိုထားမလဲ ဆိုတာကို မတွေးခင် သင်သိထားရမှာကတော့ ဒီ LG ရဲ့ ကွေးကောက် TV ဟာ သင်ကြည့်နေကြ TV တွေရဲ့ Standard Ratio 16:9 မဟုတ်ပါဘူး Ultra Wide 21:9 Ratio ပဲဖြစ်ပါတယ် ။ ဒါကြောင့် ရုပ်ရှင်ရုံတွေမှာ ကြည့်ရှု့လို့ရတဲ့ ခံစားမှု့အတိုင်း ပေးစွမ်းနိုင်မှာဖြစ်ပါတယ် ။ သူ့ရဲ့ ထုထည်ကြီးမားတဲ့ LCD Panel ကြီးဟာ 11 Million Pixel 5120×2160 Resolution ဖြစ်ပါတယ် ။ ကွေးကောက် TV တွေထုတ်လုပ်မှုမှာတော့ ဒီ TV ဟာ အရွယ်အစား အကြီးမားဆုံးလို့ LG ပြောကြားသွားခဲ့ပါတယ် ။
ဒီ TV ရဲ့ Model No. ကတော့ 105UB9 ဖြစ်ပါတယ် ။ သူဟာ 3D ရုပ်သံတွေအတွက်လည်း ကောင်းကောင်း Support လုပ်နိုင်ပါတယ် ။ နောက် အနာဂတ်ရဲ့ Display ဈေးကွက် မှာ LG ဟာ ဆက်လက်ဦးဆောင်နေဦးမှာဖြစ်ကြောင်း ဒီ မျက်နှာပြင် အကျယ် ၁၀၅ လက်မရှိတဲ့ TV ကြီးက သက်သေ ပြခဲ့ပြီလို့ LG ကပြောကြားသွားခဲ့ပါတယ် ။ ဒီ LG TV ကြီးကို လာမဲ့ ၂၀၁၄ CES (Consumer Electronic Show ) တွေမှာပြသရောင်းချသွားမယ်လို့ သိရှိရပါတယ် ။ ရောင်းချမဲ့ ဈေးနှုန်းကတော့ အတိအကျ မသိသေးကြောင်း သိရှိရပါတယ် ။ LG က သူ့ရဲ့ မျက်နှာပြင် ၁၀၅ လက်မရှိတဲ့ TV ကြီးကို မိတ်ဆက်ပေးပြီးနောက် Samsung ကလည်း သူ့တို့ရဲ့ မျက်နှာပြင် အကျယ် ၁၀၅ လက်မရှိတဲ့ ကွေးကောက် TV ကြီးကို ရှေ့ဆင့်နောက်ဆင့် ပြသသွားခဲ့ပါတယ် ။
