Sony က Xperia ဖုန်းများ ကို Android 4.4 KitKat ပေးလိုက်ပြီဖြစ်ပါတယ်။ ဗုဒ္ဓဟူး နေ့ က ကြေညာလိုက်တာဖြစ်ပြီး Xperia Z Ultra, Xperia Z1, Xperia Z1 Compact တို့ မှာ KitKat ရရှိပြီ ဖြစ်ပါတယ်။ နိုင်ငံ နဲ့ Carrier ပေါ်မူတည်ပြီး အချိန် အနည်းငယ် နှောင့်နှေးနိုင်ပါတယ်။ KitKat Upgarde မှာ Standard User Interface ပိုမိုကောင်းမွန်လာတယ်လို့ Sony က ပြောပါတယ်။ Sony က Status Bar နဲ့ Quick Settings စွမ်းဆောင်ချက် ကို ပြုပြင်ပြောင်းလဲပေးထားပါတယ်။ Sony က KitKat ကို ပြုပြင်ပြောင်းလဲမှု ပြုလုပ်ထားပြီး PlayStation 4 User Interface တွေလည်းပါရှိတယ်လို့ သိရပါတယ်။
အခြား စမတ်ဖုန်း ထုတ်လုပ်သူများ လိုပဲ Sony က Google ရဲ့ Android OS ကို သူ့ကိုယ်ပိုင် ဆော့ဝဲတွေနဲ့ ကိုက်ညီအောင် ပြုပြင်ပြောင်းလဲ ဆန်းသစ်ထားပါတယ်။ Sony က KitKat Update မှာ သူ့ရဲ့ App တွေ ဖြစ်တဲ့ Messaging, TrackID, Sony Select နဲ့ အခြား Programs တွေကို ပိုမိုကောင်းမွန်အောင် ပြုလုပ်ပေးထားတယ်လို့ ပြောပါတယ်။ Sony Entertainment Network လည်း ပါရှိလာမှာ ဖြစ်ပါတယ်။
Sony က Xperia Z, Xperia ZL, Xperia Tablet Z အပါအ၀င် အခြား Device များအတွက် KitKat ရရှိရန် လည်း စီစဉ်နေပါတယ်။ အဲဒီ Device တွေကို မေလ မှာ KitKat ရရှိအောင် ပြုလုပ်ပေးမယ်လို့ သိရပါတယ်။
