Google က နို၀င်ဘာ (၁) ရက်နေ့ က Nexus 5 နဲ့ အတူ Android 4.4 KitKat ကိုမိတ်ဆက်ပေးခဲ့ပါတယ်။ KitKat ဟာ Android Phone တိုင်းမှာ အသုံးပြုသင့်တဲ့ OS ဖြစ်တယ်လို့ Google ကပြောဆိုထားပြီး တစ်ခြားဖုန်းတွေကိုလည်းတဖြည်းဖြည်းချင်း Update ပေးဖို့ ပြုလုပ်ပေးမှာဖြစ်ပါတယ်။ဒါပေမယ့် အချိန်တော်တော်ကြာမှာဖြစ်ပါတယ်။ KitKat ရဲ့ Features အသစ်တွေကိုလည်း ဒီဆောင်းပါး မှာရေးသားပေးထားပါတယ်။ KitKat ရဲ့ Apps တွေကိုအသုံးပြုချင်ရင် Google ကိုစောင့် စရာမလိုတော့ပါဘူး။ KitKat Apps တွေကို Android 4.1, 4.2, 4.3 Jelly Bean Device အသုံးပြုတွေ အသုံးပြုနိုင်ပါပြီ။
Launcher
Android 4.4 KitKat ရဲ့ Launcher အသစ်မှာ သွင်ပြင် ဟာလုံး၀ပြောင်းလဲသွားပြီး Wallpapers အသစ်တွေ ပါရှိလာပါတယ်။ Google Now နဲ့လည်း ပိုမိုတွဲဖက်အလုပ်လုပ်နိုင်လာပါတယ်။
တစ်ခုသတိပေးချင်တာက KitKat Launcher ဟာ Device အားလုံးနဲ့ တော့ အဆင်ပြေမှာမဟုတ်ပါဘူး။တစ်ချို့ဖုန်းတွေမှာ Apps တွေအလိုလိုပိတ်သွားတဲ့ပြဿနာတွေဖြစ်နိုင်ပါတယ်။အဲဒီအတွက် သင့်ဖုန်းကို အရင်ဆုံး Backup လုပ်ထားသင့်ပါတယ်။
အရင်ဆုံး Google Experience Launcher files တွေကို Download လုပ်ပါ။ ဖိုင် သုံး ဖိုင် ပါ၀င်ပြီး အောက်ပါအတိုင်းဖြစ်ပါတယ်။
1.PreBuiltGmsCore.apk (Google Play Service 4.0)
2.Velvet.apk (Google Search)
3.GoogleHome.apk (Launcher)
Download လုပ်ပြီးရင် အပေါ်က နံပါတ်စဉ်အတိုင်း တစ်ခုချင်းစီကို အင်စတောလုပ်ပါ။ ပြီးရင် Home ကိုနှိပ်ပြီး Launcher အသစ်ကို Default အနေနဲ့သုံးပါ။
Note: Google Search အလိုလိုပိတ်တဲ့ပြဿနာကြုံတွေ့ခဲ့ရင် Home screen ကိုဖိထားပြီး Settings ကိုနှိပ်ပါ။ Voice ကိုနှိပ်ပြီး Language ကို ပြောင်းပါ။ ပြီးရင် ဒီနည်းအတိုင်းပဲပြုလုပ်ပြီး နဂို Language ကို ပြန်ပြောင်းပါ။
Hangouts
Hangouts 2.0 app မှာ တော့ SMS အသုံးပြုလို့ရလာပါတယ်။ အင်စတောလုပ်ပြီးရင် အဲဒီ Feature ကို ဖွင့်ဖို့ပြောပါမယ်။ဖွင့်ပြီးရင် SMS တွေကို Hangouts ကနေ အသုံးပြုလို့ရပါပြီ။ Settings ထဲ၀င်ပြီး SMS နဲ့ပတ်သက်တာတွေကိုပြင်နိုင်ပါတယ်။
Email & Calendar
KitKat ရဲ့ Email app ရဲ့ အသွင်အပြင်က Gmail app နဲ့ တူညီတာတွေ့ရပါတယ်။ Calendar app ကလည်း ပုံစံပြောင်းထားပါတယ်။
Camera & Gallery
KitKat Camera app မှာ Features အသစ်တွေပါရှိလာတာတွေ့ရပါတယ်။ ကင်မရာ အိုင်ကွန်ကို အနည်းငယ်ဆန်းသစ်ထားပါတယ်။
Maps & Street View
KitKat မှာ ဒီ App နှစ်ခုလုံးကို Update Version တွေသုံးထားပြီး အသွင်အပြင်ကတော့ထူးခြားမှုမရှိပါဘူး။
Quickoffice & Keep
KitKat မှာ Quickoffice ကို Stock app အနေနဲ့ အသုံးပြုလာတာတွေ့ရပါတယ်။ Google Drive နဲ့ သင့် ဖုန်းက Office Documents တွေကိုအလွယ်တကူ အသုံးပြုနိုင်ပါတယ်။ Google Keep ကိုလည်း Update လုပ်ပေးထားပေမယ့် ပြောင်းလဲ မှုတော့ သိပ်မရှိပါဘူး။
Clock & Keyboard
Clock app က အသွင်အပြင် ပြောင်းလဲသွားပြီး Android 4.3 ကအတိုင်း အနက်ရောင်ရင့်ရင့် ကာလာကိုသုံးထားပါတယ်။ Google Keyboard ကလည်းပိုမိုကောင်းမွန်လာပြီး emoji တွေများစွာသုံးလို့ရလာပါတယ်။
Play Books & Play Games
KitKat မှာ Google Play ရဲ့ အမွှာ Apps တွေဖြစ်တဲ့ Play Books, Play Games တို့လည်းပါရှိလာပါတယ်။
Launcher ကလွဲပြီးကျန်တဲ့ KitKat app ကို အင်စတောလုပ်ဖို့ သာမာန် App တွေကို အင်စတောလုပ်သလိုပဲပြုလုပ်နိုင်ပါတယ်။
