HTC က စွမ်းရည်မြင့် HTC One ဖုန်းကို SIM Card နှစ်ခု ထည့်သွင်းအသုံးပြုနိုင်အောင် အဆင့်မြှင့် ထုတ်လုပ်ပေးလိုက်ပါပြီ။ ကြိုတင်မှာယူနိုင်ပြီး စတာလင်ပေါင် ၄၉၄.၉၉ (ဒေါ်လာ ၈၀၉) ဈေးနှုန်းသတ်မှတ်ထားပါတယ်။
အသစ်ထုတ် HTC One မှာ Micro SD Card Slot ပါရှိလာမှာဖြစ်ပြီး 64GB အထိထည့်သွင်းအသုံးပြုနိုင်ပါတယ်။ ဖြုတ်တပ်လို့ရတဲ့ ဖုန်းရဲ့ အနောက်ဖက် ကာဗာ မှာ ထည့်သွင်းထားတာဖြစ်ပါတယ်။ အဲဒီအတွက် Cards တွေကို အလွယ်တကူ ဖြုတ်တပ်လို့ရမှာ ဖြစ်ပါတယ်။
ထိုင်၀မ် ပြင်ပ နိုင်ငံများနှင့် ခရီးမကြာခဏ သွားရတဲ့ ကျောင်းသားများနဲ့ စီးပွားရေးသမားများကို အဓိက ထား ရည်ရွယ်ပြီး SIM Card နှစ်ခုပါတဲ့ HTC One ကို အဆင့်မြှင့်ထုတ်လုပ်ရောင်းချတာဖြစ်တယ်လို့ HTC က ပြောကြားပါတယ်။ Micro SD Card Slot ပါ ရှိလာတာ ကလည်း Android Phone မှာ Apps အများအပြား အသုံးပြုသူတွေအတွက်တော့ စွဲဆောင်မှု တစ်ခုဖြစ်တယ်လို့ သုံးသပ်နေကြပါတယ်။