Samsung က သူ့ ရဲ့ ပြိုင်ဖက်တွေနဲ့ပတ်သက်ပြီး အတုအယောင် Comments, သိက္ခာကျစေတဲ့ အကြောင်းအရာတွေကို ရေးသားခိုင်းစေမှု ကိုစစ်ဆေးသိရှိပြီးနောက် ဒဏ်ငွေ $340,000 ပေးဆောင်ရတော့မှာဖြစ်ပါတယ်။ April လတုန်းက Taiwan Fair Trade Commission (FTC) က စတင်စုံစမ်းစစ်ဆေးမယ်လို့ ပြောကြားခဲ့ပါတယ်။
စုံစမ်းစစ်ဆေးမှုက Samsung မှာအပြစ်ရှိကြောင်းတွေ့ရှိခဲ့ပါတယ်။ FTC က Taiwan Online Forum တွေမှာ မဟုတ်မမှန်တဲ့ အကြောင်းအရာတွေရေးသားဖို့ Samsung က စာရေးသူတွေ၊အလုပ်သမားတွေကိုသီးသန့် ခန့်အပ်ထားတယ်လို့ပြောပါတယ်။ဆက်လက်ပြောဆိုရာမှာ Samsung က ဒီကိစ္စကိုကိုယ်တိုင်ပြုလုပ်တာမဟုတ်ဘဲတစ်ခြား Marketing Company တွေကိုခိုင်းစေခဲ့တာဖြစ်ပါတယ်။ အဲဒီ Marketing Company နှစ်ခုကို $100,000 ပြစ်ဒဏ်ချမှာဖြစ်ပါတယ်။
HTC နဲ့ပတ်သက်ပြီးဝေဖန်တိုက်ခိုက်မှုတွေပေါ်ပေါက်လာတဲ့အချိန်မှာ Samsung ကိုစတင်သံသယရှိခဲ့ကြတာဖြစ်ပါတယ်။ဒါပေမယ့် FTC ရဲ့ အစီရင်ခံစာမှာတော့ တိုက်ခိုက်ခံရတဲ့ Company တွေကို နာမည်တပ်ပြောဆိုခြင်းမရှိဘဲ Samsung ကသူ့ပြိုင်ဖက်တွေကို အနိုင်ယူဖို့မဟုတ်မမှန်လုပ်ကြံမှုတွေရှိခဲ့တယ်လို့ပဲရေးထားပါတယ်။ Samsung ငှားရမ်းထားတဲ့ ဝေဖန်သူတွေရဲ့လှုပ်ရှားမှုတွေကိုလည်း FTC ကစုံစမ်းလေ့လာခဲ့ပါတယ်။
သီးခြားရပ်တည်နေတဲ့ အဖွဲ့အစည်းဖြစ်စေ Company ထဲက အဖွဲ့အစည်းဖြစ်စေ ဒီလိုလျှိ့၀ှက် Marketing အဖွဲ့တွေကို “astroturfing” လို့ခေါ်ကြပါတယ်။ ဒီလိုအဖွဲ့အစည်းတွေကို ငှားရမ်းခိုင်းစေခဲ့တာ ဟာ ဆိုရင် Samsung အတွက် ဒါဟာ ပထမအကြိမ်မဟုတ်ဘဲ ဒီနှစ်အတွင်းမှာ နှစ်ကြိမ်မြောက်စစ်ဆေးတွေ့ရှိခဲ့တာဖြစ်ပါတယ်။ Samsung က The Verge ကို ပြောကြားရာမှာတော့ သူ့ရဲ့ Customer တွေကိုတော့ ရိုးရိုးသားသားပဲဆက်ဆံခဲ့တယ် လို့ပြောကြားပါတယ်။
