Nokia ရဲ့ Windows Phone တွေဟာ အဓိကကျတဲ့ ဥရောပ ဈေးကွက်တွေမှာ iOS ထက်ပိုမိုရောင်းကောင်းနေ

Windows Phone တွေဟာ ဥရောပမှာ အရှိန်အဟုန် မြင့်စွာရောင်းချနေရပါတယ်။ နောက်ဆုံးရတဲ့ သတင်းအချက်အလက်တွေအရ အီတလီ နိုင်ငံမှာ Windows Phone တွေရဲ့ရောင်းအားဟာ iOS ထက်သာလွန်သွားပြီဖြစ်ပါတယ်။ Nokia Lumia ဖုန်းတွေကြောင့်ဖြစ်ပြီး Microsoft ရဲ့  မှတ်သားလောက်စရာအောင်မြင်မှုလည်းဖြစ်ပါတယ်။ သတင်းအချက်အလက်တွေအရ အီတလီ နိုင်ငံ ရဲ့  ဈေးကွက်ဝေစုကို Windows Phone တွေက 13.7% သိမ်းပိုက်ထားပြီး iOS တွေကတော့ 10.2% ကိုကျဆင်းသွားတာဖြစ်ပါတယ်။ ဒါ့အပြင် အဓိကကျတဲ့ ဥရောပ ဈေးကွက်မှာလည်း Windows Phone ရဲ့ရောင်းအားဟာ တိုးတက်နေပါတယ်။ United Kingdom, France, Germany, Italy and Spain စတဲ့ နိုင်ငံတွေ ကိုစုပေါင်းတွက်ချက်ထားတဲ့ စာရင်းအရ Windows Phone ဟာ အဲဒီနိုင်ငံတွေရဲ့  စုပေါင်းဈေးကွက် ရဲ့  10% နီးပါးပိုင်ဆိုင်ထားပါတယ်။