Acer က Android Smartphone တွေကို အဓိကထား ထုတ်လုပ်နေပေမယ့် Window ဖုန်းများက ဥရောပဈေးကွက်တွင် ၁၅% ရောက်ရှိတဲ့အချိန်မှာ Window ဖုန်းများကို ထုတ်လုပ်မယ်လို့ Acer ရဲ့ ဒုတိယဥက္ကဌ Allen Burnes က အင်တာဗျူးတစ်ခုမှာ ပြောကြားပါတယ်။
Acer က Acer Allegro ဆိုတဲ့ Window ဖုန်း တစ်မျိုးကိုသာ ထုတ်လုပ်ခဲ့ဖူးပါတယ်။ အဲဒီဖုန်းကို လွန်ခဲ့တဲ့ သုံးနှစ်အကြာက ထုတ်လုပ်ခဲ့တာဖြစ်ပြီး ဒုတိယဖုန်းကို ထုတ်လုပ်ခဲ့ခြင်း မရှိပါဘူး။ ဒါပေမယ့် မကြာခင်မှာတော့ Window ဖုန်းကို ထုတ်လုပ်တော့မှာ ဖြစ်ပါတယ်။
ABI သုတေသန အဖွဲ့အစည်းရဲ့ စာရင်းအချက်အလက်များအရ Window ဖုန်းများဟာ တစ်နှစ်အတွင်းမှာ (၂) ဆ ရောင်းကောင်းခဲ့ တယ်လို့ သိရပါတယ်။ Strategy Analytics Kantar နဲ့ World Panel တို့ရဲ့ စာရင်းတွေအရလည်း အတူတူပဲ ဖြစ်ပါတယ်။
Sony က Microsoft ဖုန်းများကို ထုတ်လုပ်ဖို့ Microsoft နဲ့ ဆွေးနွေးနေတယ်လို့ လည်း သိရပါတယ်။ Samsung က မကြာမီမှာ ထုတ်ဖော်ပြသမယ့် Window ဖုန်းကိုလည်း Internet မှာ တွေ့ရှိခဲ့ပြီးဖြစ်ပါတယ်။ Window ဖုန်းများကို Nokia က Microsoft အတွက် ထုတ်လုပ်ပေးခဲ့ပြီး အခြားထုတ်လုပ်သူများက Window ဖုန်းတွေကို အမြောက်အများ ထုတ်လုပ်ပေးခဲ့ခြင်း မရှိပါဘူး။
