Google က ၈.၉ လက်မအရွယ် Nexus Tablet ကို ထုတ်လုပ်မည်။

Google က ၈.၉လက်မအရွယ် Nexus Tablet ကို ဒီနှစ်ကုန်ပိုင်းလောက်မှာ ထုတ်လုပ်ရောင်းချမယ်လို့ သိရပါတယ်။ Nexus Tablet ဟာ စွမ်းဆောင်ရည်မြင့် Tablet တစ်လုံးဖြစ်မယ်လို့ မျှော်လင့်ရပါတယ် လို့ IHS Technology မှ Director ဖြစ်သူ Rhoda Alexander က ပြောပါတယ်။
Nexus Tablet ကို ဇူလိုင်လနဲ့ ဩဂုတ်လ များမှာ ထုတ်လုပ်ရောင်းချမယ်လို့ မျှော်လင့်ရပါတယ်။ Specification လည်း ကောင်းမွန်ပြီး ဈေးနှုန်းလည်း မြင့်မှာ ဖြစ်ပါတယ်။

Nexus Tablet ကို အများအပြားထုတ်လုပ်ရောင်းချမှာ မဟုတ်ဘူးလို့ မျှော်လင့်ရပါတယ်။ ရောင်းချမယ့် ဈေးနှုန်းကိုတော့ Google က ပြောကြားခြင်း မရှိသေးပါဘူး။ ဒါပေမယ့် ဒေါ်လာ (299) ထက်ကြီးမြင့် မယ်လို့သိရပါတယ်။ Google က အဆိုပါ Tablet ကို HTC နဲ့ ပူးပေါင်းထုတ်လုပ်မယ်လို့ Alexander က ပြောကြားပါတယ်။

အာရှမှ ရရှိတဲ့ အခြားသတင်းများအရလည်း Google က ၈.၉ လက်မ Tablet ကို ထုတ်လုပ်ရောင်းချမယ်လို့ သိရပါတယ်။
Amazon က ၈.၉လက်မ HDX ကို ရောင်းချနေပြီ ဖြစ်ပါတယ်။

Google က ထုတ်လုပ်ရောင်းချမယ့် Nexus Tablet ဟာ Google Nexus 7 ရဲ့ မျိုးဆက် Tablet ဖြစ်လာမှာ ဖြစ်ပါတယ်။
Nexus 7 Tablet ရဲ့ မျိုးဆက် ကို ဒီနှစ်ထဲမှာ ရောင်းချမှာ ဖြစ်ပါတယ်။

Google နဲ့ HTC တို့ကတော့ အဆိုပါ Tablet အကြောင်းကို ပြောကြားခြင်း မရှိသေးပါဘူး။