အန်းဒရွိုက်ဗားရှင်းအသစ် 4.4ကို “KitKat”ဟု အမည်ပေး

Googleမှ ၎င်းတို့၏ အန်းဒရွိုက်ဗားရှင်းအသစ် 4.4ကို “KitKat”ဟု အမည်ပေးလိုက်ပြီ ုဖြစ်သည်။ “KitKat”ဆိုသည်မှာ နာမည်ကြီး ချောကလက်တံဆိပ် တစ်ခုဖြစ်ပြီး Google၏ အမှုဆောင် အရာရှိချုပ်တစ်ဦး ဖြစ်သူ Sundar Pichaiက ကုမ္ပဏီ၏ တရား၀င် Google+စာမျက်နှာတွင် အဆိုပါ အမည်ကို အတည်ပြု ပြောကြားခဲ့ခြင်း ဖြစ်သည်။ အစောပိုင်းကာလများက အန်းဒရွိုက်ဗားရှင်း 4.4ကို “Key Lime Pie”ဟု ခေါ်ဆိုမည် ဖြစ်ကြောင်း သတင်းများ ထွက်ရှိခဲ့ပြီးနောက် ယခုအခါ “KitKat”ဟု အတည်ပြုခဲ့ခြင်းလည်း ဖြစ်သည်။

စမတ်ဖုန်းများတွင် အများဆုံးသုံးနေသော OSတစ်ခု ဖြစ်သည့် အန်းဒရွိုက်OSကို ထုတ်လုပ်သည့် Googleအနေဖြင့် ၎င်းတို့၏ ဗားရှင်းများကို စားစရာနာမည် လှလှလေးများ ပေးခဲ့ရာ Cupcake, Donut, Éclair, Froyo, Gingerbread, Honeycomb, Ice Cream Sandwich(ICS)နှင့် Jelly Beanစသည်တို့ ဖြစ်သည်။ “ကျွန်တော် အာရှက ပြန်လာတဲ့အခါ Android KitKatရုပ်တုကြီးနဲ့ ကျွန်တော့်ကို စောင့်ကြိုနေတဲ့ ပုံစံကို တကယ်ပဲ နှစ်ခြိုက်ခဲ့တာ ဖြစ်ပါတယ်။ တစ်ဆက်တည်းမှာပဲ Candyလို ချိုမြိန်တဲ့ အန်းဒရွိုက်Platformအသစ်ကို ကျွန်တော်တို့ အဖွဲ့လည်း နှစ်သက်တဲ့ KitKatလို့ နာမည်ပေးဖို့ ဆုံးဖြတ်ခဲ့တာပါ” ဟု ၎င်းက ရေးသားခဲ့ပါသည်။