Google က စမတ်ဖုန်း ၊ တက်ဘလက် တွေမှာ ထည့်သွင်းပေးထားတဲ့ ကိုယ်ရေးလက်ထောက် Google Now ကို Desktop Browser မှာ အသုံးပြုနိုင်အောင် ထည့်သွင်းပေးလိုက်ပါပြီ။ Google က Desktop Browser အတွက် Google Now ကို အချိန်ကြာမြင့်စွာ ကတည်းက တီထွင်နေတာဖြစ်ပါတယ်။ Chrome ရဲ့ နောက်ဆုံး ဗားရှင်းမှာ စမတ်ဖုန်း မှာမြင်တွေ့ရတဲ့ Google Now Cards တွေကို မြင်တွေ့ရမှာဖြစ်ပါတယ်။ ရာသီဥတု အခြေအနေ၊ အားကစားပွဲရလဒ်၊ Reminders စတာတွေကို မြင်တွေ့ရမှာဖြစ်ပါတယ်။ သတင်းအချက်အလက် အချို့ဟာ စမတ်ဖုန်း ရဲ့ တည်နေရာ ကို အခြေခံဖော်ပြတာဖြစ်တယ်လို့ Google က ပြောတဲ့အတွက် ကွန်ပြူတာ နဲ့ စမတ်ဖုန်း ဟာ တည်နေရာ မတူညီရင် သိပ်ပြီး အသုံး၀င်မှာ မဟုတ်ဘူးလို့ ကျွမ်းကျင်သူက သုံးသပ်ပါတယ်။ Google က Google Now ကို ပြီးခဲ့တဲ့လ က ထုတ်လုပ်ပေးလိုက်တဲ့ Chrome Beta Version မှာ အရင်ဆုံး ထည့်သွင်းပေးလိုက်တာဖြစ်ပါတယ်။
Google Now Card တွေဟာ Chrome Notification Center မှာ ပေါ်မှာဖြစ်ပါတယ်။ Windows သို့မဟုတ် OS X ပေါ်မူတည်ပြီး အောက် နဲ့ အပေါ်နေရာများမှာ ဖော်ပြမှာ ဖြစ်ပါတယ်။ Notification Center မှာ Gmail, Google Drive နဲ့ Hangouts တို့က အချက်ပေးမှုတွေကို ပြသဖို့ Configure ပြုလုပ်နိုင်ပါတယ်။ Google က Google Now ကို Desktop မှာ ထည့်သွင်းပေးလိုက်ပြီဖြစ်ပြီး လာမယ့် ရက်သတ္တပတ်များ မှာ ပြီးမြောက်အောင် ပြုလုပ်ပေးမယ်လို့ ပြောပါတယ်။ မစောင့်ဆိုင်းချင်သူများ က Chrome://flags ကို သွားပြီး Google Now ကို Enable ပြုလုပ်နိုင်ပါတယ်။
