တရုတ်ဖုန်းထုတ်လုပ်သူ Oppo က နောက်တစ်ပတ်မှာ ပြုလုပ်မယ့် Mobile World Congress မတိုင်မီမှာ စွမ်းဆောင်ရည်မြင့် Find 7 စမတ်ဖုန်းရဲ့ ဓာတ်ပုံ ကို ထုတ်ဖော်ပြသလိုက်ပါတယ်။ အရင်က ထွက်ပေါ်ခဲ့တဲ့သတင်းတွေအရ Find 7 ကို နှစ်မျိုးထုတ်လုပ်ထားပြီး တစ်မျိုးက 2K QHD Display တပ်ဆင်ထားပါတယ်။ အခုထုတ်ဖော်ပြသတဲ့ ဖုန်း က 2K QHD Display တပ်ဆင်ထားတဲ့ဖုန်းမဟုတ်ဘဲ Full HD Display တပ်ဆင်ထားတဲ့ ဖုန်းဖြစ်ပါတယ်။
Full HD Find 7 ဖုန်းတွင် 2.26GHz Quad-Core Processor တပ်ဆင်ထားပြီး ၅.၅ လက်မ Full HD Display ပါရှိပါတယ်။ 2GB RAM ပါရှိပါတယ်။ Android 4.3 Jelly Bean ကို အသုံးပြုမောင်းနှင်မှာဖြစ်ပါတယ်။ MicroSD Card အသုံးပြုနိုင်ပါတယ်။ 2700mAh Battery တပ်ဆင်ထားပြီး ဖြုတ်လို့ရတယ်လို့ သိရပါတယ်။ အလေးချိန် က (၁၆၅) ဂရမ် ဖြစ်ပြီး အထူက (၉.၂) မီလီမီတာ ဖြစ်ပါတယ်။
