Google ရဲ့ Nexus 7 Tablet ကို Verizon Wireless မှ ၀ယ်ယူနိုင်ပြီ ဖြစ်ပြီး LTE Network ကို အသုံးပြုနိုင်မှာ ဖြစ်ပါတယ်။ ၇လက်မ Android Tablet ကို ဖေဖော်ဝါရီလ (၁၃) ရက်နေ့မှာ ရောင်းချမှာ ဖြစ်ပြီး 32GB Model ကို ဒေါ်လာ 350 နဲ့ ၀ယ်ယူနိုင်ပြီး ၂ နှစ်စာချုပ်နဲ့ ဆိုရင်တော့ ဒေါ်လာ 250 ဖြစ်ပါတယ်။ ဒါပေမယ့် အချိန်အကန့်အသတ်နဲ့ ရောင်းချမှာ ဖြစ်ပါတယ်။
၂၀၁၃ ခုနှစ်ထုတ် Nexus 7 Tablet ကို ၀ယ်ယူထားတဲ့သူဆိုရင်တော့ Verizon’s LTE Network ကို အသုံးပြုဖို့ နောက်ဆုံးထုတ် Android Software Update ကို Download လုပ်ရမှာ ဖြစ်ပါတယ်။ Share Everything Plan ကို အသုံးပြုမယ် ဆိုရင်တော့ တစ်လလျှင် ၁၀ ဒေါ်လာ ထပ်မံပေးဆောင်ရမှာ ဖြစ်ပါတယ်။
Nexus 7 မှာ ခုနစ်လက်မအရွယ် 1200×1920 Pixels Display တပ်ဆင်ထားပြီး တစ်လက်မတွင် Pixel သိပ်သည်းဆ (၃၂၃)ပါရှိ ပါတယ်။ Quad-Core 1.5GHz Krait Processor, Android 4.3 Jelly Bean တို့ကို အသုံးပြုထားပါတယ်။ 2GB RAM ပါရှိပြီး 16GB or 32GB ရွေးချယ်နိုင်ပါတယ်။ အတိုင်းအတာ အပြည့်အစုံမှာ 7.87 x 4.49 x 0.34 လက်မ ဖြစ်ပါတယ်။ အနောက်ဘက်မှာ 5MP Camera နဲ့ မျက်နှာချင်းဆိုင်မှာ 1.2MP Camera တပ်ဆင်ထားပါတယ်။ 3950mAh Battery တပ်ဆင်ထားပါတယ်။