Motorola က Valentine’s Day အတွက် စျေးနှုန်းလျော့ချရောင်းချပေးရန် ပြင်ဆင်နေပါတယ်။ Mobile Carrier များရဲ့ ဖုန်းလိုင်းများမပါဘဲ အလွတ်ရောင်းချပေးနေတဲ့ Moto X ကို လာမယ့် တနင်္လာနေ့ (၂၇) ရက်မှ စတင်ကာ ဒေါ်လာ (၁၀၀) စျေးလျှော့ ရောင်းချမှာဖြစ်ပါတယ်။ Motor X ဖုန်းများကို ဖေဖော်ဝါရီလ(၁၄ )ရက်နေ့မတိုင်မီ $70 ထိ စျေနှုန်းလျော့ချ ရောင်းချပေးနေတဲ့ အစီအစဉ်ကိုလည်း Motorola က ပြုလုပ်ပေးထားပါတယ်။ Motorola က ၄င်း၏ Twitter account မှ တဆင့် ထိုအစီအစဉ်ကို ကြေညာလိုက်ပြီး သာမာန်အမျိုးအစား Moto X ကိုရော Developer များအတွက် ထုတ်လုပ်ထားတဲ့ Moto X ကိုပါ အကျိုးသက်ရောက်မှာ ဖြစ်ပါတယ်။ Moto X ဖုန်း၀ယ်ယူသူများအနေဖြင့်လည်း မိမိကြိုက်နှစ်သက်ရာ ဒီဇိုင်းပုံစံကို Moto Maker ၀က်ဆိုက်မှတဆင့် မှာယူနိုင်ပါတယ်။
Motorola မှ နောက်ထပ်အစီအစဉ် တစ်ခုအဖြစ် Moto X ဖုန်းကို $50 နှင့် Moto G ဖုန်းကို $40 ဖြင့် မကြာမီ အချိန်အတွင်းတွင် စျေးနှုန်းလျော့ ရောင်းချပေးသွားရန် အစီအစဉ် ရှိပါကြောင်း ကြေငြာထားပါတယ်။
Motor X ဖုန်းမှာ 4.7 လက်မ အရွယ် 720×1280 Resolution Display တပ်ဆင်ထားပြီး တစ်လက်မလျှင် Pixel သိပ်သည်းဆ(312) ဖြစ်ပါတယ်။ Memory မှာ 16 GB သို့မဟုတ် 32 GB ကိုရွေးချယ်နိုင်ပြီး 2GB RAM ပါရှိပါတယ်။ 1.7 GHz Krait Processor Dual-Core ဖြစ်ပြီး အနောက်ဘက် Camera မှာ 10 Mp နှင့် မျက်နှာချင်းဆိုင် Camera မှာ 2 Mp ဖြစ်ပါတယ်။ Android 4.2.2 Jelly Bean ကို အသုံးပြုမှာဖြစ်ပြီး အလေးချိန်မှာ 130 g ဖြစ်ပါတယ်။ ဘက်ထရီကတော့ 2200mAh ဖြစ်ကြောင်းပြန်လည်သုံးသပ် တင်ပြလိုက်ပါတယ်။
