Google က Google Plus မှာ Features တစ်ချို့ကို ပြုလုပ်ပေးလိုက်ပါပြီ။ အဲဒါကတော့ Pages , Profile တွေရဲ့လိပ်စာကို မှတ်ရလွယ်ပြီး နှစ်သက်ရာ လိပ်စာတွေပြုလုပ်နိုင်တာဖြစ်ပါတယ်။ Facebook, Google Plus စတဲ့ Social Networks တွေက Profile လိပ်စာတွေဟာ ရှည်လျားပြီးမှတ်ရခက်ပါတယ်။ အခုတော့ မှတ်ရလွယ်တဲ့ လိပ်စာ ကိုပြောင်းနိုင်တဲ့အတွက် မိမိ Profile , Pages တွေရဲ့လိပ်စာကိုအလွယ်တကူမှတ်သားလို့ရပြီဖြစ်ပြီး သူငယ်ချင်းတွေ ၊ မိတ်ဆွေတွေကို အလွယ်တကူပြောပြလို့ရပါပြီ။
နှစ်သက်ရာလိပ်စာ ပြုလုပ်နိုင်တယ်ဆိုတာကို သိပ်မရှင်းတဲ့သူတွေအတွက် ဥပမာ ပေးရမယ်ဆိုရင် သင့်ရဲ့ Google Plus Profile URL က https://plus.google.com/u/0/103897375441006577816/ ဆိုပါစို့။ အဲဒီလိပ်စာက ရှည်လျားပြီးမှတ်ရခက်ပါတယ်။ အဲဒီလိပ်စာကို https://plus.google.com/+emil ဒီလို မှတ်ရလွယ်တဲ့ လိပ်စာအဖြစ်ပြောင်းလို့ရလာတာဖြစ်ပါတယ်။
ဒါပေမယ့် လူတိုင်းပြောင်းလို့မရသေးဘဲ ကန့်သတ်ချက်အနည်းငယ်ရှိပါတယ်။
- Profile Photo တင်ထားရပါမယ်။
- အနည်းဆုံး Follower (၁၀) ယောက်ရှိရပါမယ်။
- အကောင့်ပြုလုပ်ထားတာ ရက်(၃၀) ပြည့်ရပါမယ်။
စီးပွားရေးလုပ်ငန်းတွေ ကလည်း သူတို့၀က်ဆိုက်တွေနဲ့ ချိတ်ဆက်ထားတဲ့ Pages တွေရှိရင် Custom URL ကိုတောင်းဆိုလို့ရပါတယ်။ Pages တွေဟာ Verified ဖြစ်ဖို့လိုပြီး အသေးစိတ်ကို Google Plus Help Center မှာလေ့လာပါ။
အပေါ်ကအချက်တွေပြည့်စုံတယ်ဆိုရင် Google က Custom URL ကိုပြုလုပ်ပေးပါမယ်။ သင့် Google Plus Profile , Pages ကိုသွားပြီး ကိုယ်ပိုင်လိပ်စာပြုလုပ်နိုင်ပါတယ်။ တကယ်လို့ပြုလုပ်လို့မရသေးရင် ရက်အနည်းငယ်စောင့်ရပါမယ်။ Google က ဒီတစ်ပတ် အတွင်းမှာ တစ်ကမ္ဘာလုံးအတိုင်းအတာနဲ့ပြုလုပ်ပေးမယ်လို့သိရပါတယ်။