Nokia X သို့မဟုတ် Nokia Normandy ဖုန်းထွက်ပေါ်လာမယ်လို့ အင်တာနက်သတင်းများတွင်ကြားသိရနေရပါတယ်။ Nokia ၏ ပထမဆုံး Android ဖုန်းဖြစ်ပြီး Specifications များကို evleaks ၀က်ဆိုက်မှာ ဖော်ပြထားပါတယ်။
ထွက်ရှိနေတဲ့သတင်းများအရ ၎င်းဖုန်း၏ Specifications များမှာ Dual-core 1GHz Snapdragon Processor တပ်ဆင်ထားပြီး SoC အမျိုးအစားကိုတော့မသိရသေးပါ။ သို့သော် Snapdragon 200 8225Q အမျိုးအစားဟု ယခင်ကအရင် သတင်းများက ဖော်ပြခဲ့ဖူးပါတယ်။ Quad-core chip နဲ့ RAM 512MB တပ်ဆင်ထားပြီး Memory Storage 4GB ပါရှိပါတယ်။
အခြား Specifications များကတော့ 4.0-inch WVGA (800 x 480) Display တပ်ဆင်ထားပါတယ်။ ကင်မရာ 5 Megapixel နဲ့ SIM Card နှစ်ခုထည့်သွင်း အသုံးပြုနိုင်ပါတယ်။ Battery ကတော့ 1,500mAh ဖြစ်ပါတယ်။ ဖွံ့ဖြိုးဆဲနိုင်ငံများတွင် ၀ယ်ယူ အသုံးပြုနိုင်အောင်ပြုလုပ်ပေးထားပြီး စျေးနှုန်းသက်သာတဲ့ စွမ်းဆောင်ရည်နိမ့်ဖုန်း အမျိုးအစားဖြစ်ပါတယ်။ Amazon မှ ၎င်း၏ Kindle Fire Devices တွင် ကိုယ်ပိုင် Applications Store ထည့်သွင်းပေးထားသလိုပဲ Nokia X တွင်လည်း Nokia ၏ ကိုယ်ပိုင် Applications Store ထည့်သွင်းပေးထားမှာဖြစ်ပါတယ်။ Application Store မှ မဟုတ်တဲ့ Apps များကိုလည်း အင်စတော လုပ်ပြီး အသုံးပြုနိုင်မှာဖြစ်ပါတယ်။ အဆိုပါဖုန်းကို အရောင်(၆)မျိုး ထုတ်လုပ်မယ်လို့ သိရပါတယ်။