Samsung က အနီရောင်နှင့်ရွှေရောင် ပေါင်းစပ်ထားသော စွမ်းဆောင်ရည်မြင့် Galaxy Note 3 ကို မကြာမီက ထုတ်ဖော်ပြသခဲ့ပြီး တရုတ်နိုင်ငံနှင့် ကိုရီးယားနိုင်ငံတို့မှာ ရောင်းချပေးနေပါတယ်။ အဆိုပါ ဖုန်းကို Verizon မှ လည်းရောင်းချပေးနေပြီး Verizon ၀က်ဆိုက်မှတဆင့် ၀ယ်ယူနိုင်ပါတယ်။
အခုတစ်ခါ Samsung က နှင်းဆီရောင်နဲ့ရွှေရောင်ပေါင်းစပ်ထားတဲ့ Galaxy Note 3 ကို ထပ်မံရောင်းချပေးလိုက်ပါတယ်။ Verizon မှ ရောင်းချပေးနေတာဖြစ်ပြီး လာမယ့်ရက်ပိုင်းအတွင်းမှာ ပို့ဆောင်ပေးမှာ ဖြစ်ပါတယ်။ အဆိုပါ Galaxy Note 3 မှာ မူလအရောင်ဖြစ်သော အဖြူရောင်ကို အခြေခံထုတ်လုပ်ထားပါတယ်။ အနောက်ဘက်မျက်နှာပြင်ဟာ အဖြူရောင်ဖြစ်ပါတယ်။ ဘေးပတ်လည်ရှိ သတ္တုဘောင်များမှာ ရွှေရောင်နှင့် နှင်းဆီ ပေါင်းစပ်ထားသောအရောင်မျိုး ဖြစ်ပါတယ်။ ရွှေရောင်နှင့်နှင်းဆီ ပေါင်းစပ်ထားသော Galaxy Note 3 အမျိုးအစားကို ဒေါ်လာ (၂၄၉.၉၉) ဖြင့် ရောင်းချပေးပြီး (၂)နှစ် စာချုပ်ချုပ်ရမှာ ဖြစ်ပါတယ်။ SIM-free Version ကို ဒေါ်လာ (၆၄၉.၉၉) ဖြင့်ရောင်းချပေးနေပါတယ်။
ရွှေရောင်နှင့်နှင်းဆီ ပေါင်းစပ်ထားသော Galaxy Note 3 ၏ Specifications များမှာ ယခင်ထွက်ပေါ်ခဲ့သော Galaxy Note 3 နှင့်အတူတူပင် ဖြစ်ပါတယ်။ (၅.၇)လက်မ Display တပ်ဆင်ထားပြီး 1080 x 1920 Pixel Resolution ပါရှိပါတယ်။ Snapdragon 800 Processor နဲ့ Exynos 5 Octa 5420 Processor နှစ်မျိုးထုတ်လုပ်ပေးထားပါတယ်။ 3GB RAM ပါရှိပါတယ်။ Internal Memory 16/32/64 GB ရွေးချယ်နိုင်ပြီး MicroSD Card ထည့်သွင်း အသုံးပြုနိုင်ပါတယ်။ အနောက်ဘက်တွင် 13 MP နှင့် မျက်နှာချင်းဆိုင်တွင် 2 MP ကင်မရာ တပ်ဆင်ထားပါတယ်။ Android မှာ 4.3 (Jelly Bean) ဖြင့် မောင်းနှင်လည်ပတ်မှာ ဖြစ်ပါတယ်။