အာဆီယံအသိုက်အမြုံ(ASEAN Community)ထူထောင်ရန်အတွက်ကျန်ရှိနေသောလုပ်ငန်းလိုအပ်ချက် ၁၈ရာခိုင်နှုန်းကို၂၀၁၄ခုနှစ်တွင်အာဆီယံအလှည်.ကျဥက္ကဋ္ဌအဖြစ်တာ၀န်ယူမည့်မြန်မာနိုင်ငံကဦးဆောင်ပြီး အာဆီယံအဖွဲ့၀င်နိုင်ငံများနှင့် ဆက်လက်ဆောင်ရွက်ရမည်ဖြစ်ကြောင်းအာဆီယံအတွင်းရေးမှုချုပ်ရုံးက အောက်တိုဘာ ၁၆ရက်တွင်သတင်းထုတ်ပြန်ချက်အရသိရသည်။
ပြီးခဲ့သည့်ရက်သတ္တပတ်အတွင်း က ဘရူးနိုင်းနိုင်ငံ၌ ပြုလုပ်ခဲ့သော ၂၃ကြီမ်မြောက် အာဆီယံထိပ်သီးဆွေးနွေးပွဲနှင့် ဆက်စပ်အစည်းအေများအပြီးထုတ်ပြန်ခဲ့သော အာဆီယံစသရင်း ထုတ်ပြန်ချက်တွင် အာဆီယံခေါင်းဆောင်များ က၂၀၁၅ခုနှစ်၌ အသက်၀င်ရန်မျှော်မှန်းထားသော အာဆီယံအသိုက်အမြုံထူထောင်ရေး ကိုပိုမိုအားစိုက်သွားမည်ဟုဖော်ပြခဲ့သည်။
၄င်းအပြင်အာဆီယံအသိုက်အမြုံဖော်ဆောင်မှုတွင် တိုးတက်မှုများမြင်တွေ့ရပြီး ပြင်ပနိုင်ငံများနှင့် ဆက်ဆံရေး၊ အဖွဲ့၀င်နိုင်ငံများ အချင်းချင်းစည်းလုံးရေးကိုလည်း လုပ်ဆောင်နိုင်ခဲ့ကြောင်း အာဆီယံ ဒုတိယအတွင်းရေးမှုးချုပ် ဦးဉာဏ်လင်းကပြောကြားသည်။ “အာဆီယံအသိုက်အမြုံတည်ဆေက်ရေးပုံစံတွေအတိုင်း လုပ်ဆောင်ခဲ့တဲ့ စီးပွားရေးကနဦးခြေလှမ်းတွေဟာ စီးပွားရေးအသွင်အပြင်တွေကို အခွင့်အလမ်း ပိုကောင်းအောင် ပြောင်းလဲနေပါပြီ ” ဟု ဦးဉာဏ်လင်းကဆိုသည်။
လက်ရှိအချိန်တွင် အာဆီယံအသိုက်အမြုံတည်ထောင်ရန် လိုအပ်သည့်လုပ်ငန်းလိုအပ်ချက်အားလုံး၏ ၈၂ဒသမ၅ရာခိုင်နှုန်းအားဆောင်ရွက်ခဲ့ပြီး နိုင်ငံရေးလုံခြုံမှုအတွက် ၇၈ရာခိ်ုင်နှုန်း၊ စီးပွားရေးအတွက် ၇၉ရာခိုင်နှုန်းနှင့် လူမှုရေးအတွက်နှင့် ယဉ်ကျေးမှုအတွက် ၉၀ရာခိုင်နှုန်းလုပ်ဆောင်ခဲ့ပြီးဖြစ်ကြောင်းသိရသည်။
၂၀၁၅ခုနှစ်သို့ရောက်ရှိရန်၂နှစ်ကျော်သာကျန်ရှိတော့သည့်အတွက် အာဆီယံခေါင်းဆောင်များမှ ၂၀၁၅ လွန်အာဆီယံအသိုက်အမြုံဆိုင်ရာစီမံကိန်းများအတွက် ” ၂၀၁၅ အလွန်မျှော်မှန်းချက်တွေအတွက် ဘန်ဒါစရီဘီဂါ၀န် ကြေညာစာတမ်း” ကိုလိုက်နာရန်အာဆီယံခေါင်းဆောင်များကသဘောတူညီပြီး အဆိုပါကြေညာစာတမ်းတွင် အာဆီယံမျှော်မှန်ချက်အား ဖော်ဆောင်ရန်သက်ဆိုင်ရာ ကဏ္ဏအလိုက် တာ၀န်ပေးအပ်ခြင်းများကို လုပ်ဆောင်ခဲ့ပြီးဖြစ်ကြောင်းသိရသည်။
အာဆီယံ၏မျှော်မှန်းချက်မှာ နိုင်ငံရေးစည်းလုံးခြင်း၊ စီးပွားရေးအရပူးပေါင်းခြင်းနှင့် လူမှုရေးအရ တာ၀န်ယူတတ်ခြင်း တို့ရှိသည့် အသိုက်အမြုံတစ်ခုထူထောင်ရန်သာမက စစ်မှန်သည့်လူထုအခြေပြု စည်းကမ်းလိုက်နာသည့်အဖွဲ့အစည်းတစ်ရပ် ဖေါ်ဆောင်သွားရန် ဖြစ်သည်ဟုဆိုပါသည်။
