အကြောင်းအမျိုးမျိုးကြောင့် Facebook, Google စတဲ့ ၀က်ဆိုက်တွေမှာ အကောင့်တစ်ခုထက်ပို အသုံးပြုကြမှာပါ။ အလုပ်အတွက်၊ ကိုယ်ရေးကိုယ်တာ အတွက် စသဖြင့် အကောင့်တွေတစ်ခုထက် ပို ရှိကြမှာပါ။ အဲဒီအကောင့်တွေကို Device တစ်ခုထဲကနေ တစ်ပြိုင်နက် အသုံးပြုဖို့ ၀က်ဆိုက်တွေက ခွင့်မပြုထားပါဘူး။ ၀က်ဆိုက်တွေက သင့်အကောင့်နဲ့ပတ်သက်တဲ့ Cookie တွေကို သိမ်းထားပြီးစစ်ဆေးလို့ဖြစ်ပါတယ်။ Browser တစ်ခုထဲမှာ Tab တစ်ခု အသစ်ဖွင့်သုံးလို့လည်းမရပါဘူး။ ဒါပေမယ့် အကောင့်တွေအများကြီးကို Login ၀င်ပြီးအသုံးပြုနိုင်တဲ့နည်းတွေရှိပါတယ်။
Private Browsing အသုံးပြုပါ။
Browser တွေမှာ Private Browsing ကိုအသုံးပြုဖို့ပြုလုပ်ပေးထားပါတယ်။ အဲဒီအတွက် သာမာန် Mode နဲ့ အကောင့်တစ်ခုကိုအသုံးပြုနိုင်ပြီး Private Browsing Mode နဲ့ နောက်အကောင့်တစ်ခုကိုသုံးနိုင်ပါတယ်။
Private Browsing Mode ကိုအသုံးပြုဖို့
- Firefox: Ctrl+Shift+P ကိုနှိပ်ပြီး Private Browsing Window တစ်ခုဖွင့်ပြီးအသုံးပြုပါ။
- Google Chrome: Ctrl+Shift+N ကိုနှိပ်ပြီး Incognito Window ကိုအသုံးပြုပါ။
- Opera 15+: Google Chrome နဲ့ အတူတူပဲဖြစ်ပါတယ်။
- Internet Explorer: Ctrl+Shift+P ကိုနှိပ်ပါ။
တစ်ခုမှတ်ထားရမှာက Private Browsing Window ကို ပိတ်လိုက်တာနဲ့ History, Cookies တွေစတဲ့ သတင်းအချက်အလက်တွေကို ဖျက်ပစ်မှာပါ။
အခြား Browser တစ်ခုအသုံးပြုပါ။
သင့် ကွန်ပြူတာမှာ Browser နှစ်ခု အင်စတောလုပ်ထားရင် အကောင့် နှစ်ခုကို Browser နှစ်ခုမှာအသုံးပြုနိုင်ပါတယ်။ Browser တွေက Cookie တွေကို သူတို့ကိုယ်ပိုင် သီးသန့်နေရာမှာသိမ်းထားလို့ဖြစ်ပါတယ်။
Portable Version အသုံးပြုပါ။
Browser တော်တော်များများမှာ Portable Version တွေရှိကြပါတယ်။ နာမည်ကြီးတဲ့ Portable Apps ၀က်ဆိုက်မှာ ရနိုင်သလို တစ်ခြား ၀က်ဆိုက်တွေမှာလည်းရနိုင်ပါတယ်။ အောက်ကလင့်တွေကနေ Protable Browsers တွေကို Download လုပ်နိုင်ပါတယ်။
Chrome ရဲ့ အနွယ်၀င်တစ်ခုဖြစ်တဲ့ Chromium ကိုလည်းအသုံးပြုနိုင်ပါတယ်။
Profile တစ်ခုပြုလုပ်အသုံးပြုပါ။
Browser တွေမှာ Profile တစ်ခုထက်ပိုအသုံးပြုလို့ရအောင်ပြုလုပ်ပေးထားပါတယ်။
Firefox
Firefox မှာ Profile အသစ်တစ်ခုပြုလုပ်ဖို့ Firefox ကို အရင် Exit လုပ်ပါ။ ပြီးရင် Win+R ကိုနှိပ်ပြီး firefox.exe –p ကိုနှိပ်ပါ။ Create Profile ကိုနှိပ်ပြီး အသုံးပြုပါ။ Firefox ရဲ့ Profile တွေကိုအလွယ်တကူ Manage လုပ်ပေးနိုင်တဲ့ Profile Manager ဆိုတဲ့ Freeware ကိုလည်းသုံးနိုင်ပါတယ်။
Chrome
Chrome မှာတော့ ဘယ်ဘက်အပေါ်ထောင့်က Profile ပုံကိုနှိပ်ပြီး New User ကိုနှိပ်ပြီးအသုံးပြုနိုင်ပါတယ်။
Extension တွေအသုံးပြုပါ။
Browser Extension တွေကိုအသုံးပြုပြီးလည်း Browser တစ်ခုထဲမှာ အကောင့် တစ်ခုထက်ပိုအသုံးပြုနိုင်ပါတယ်။ Firefox မှာတော့ Multifox ကိုသုံးနိုင်ပါတယ်။
Chrome User တွေအတွက် ဒီ Extension ကိုအသုံးပြုနိုင်ပါတယ်။
Website-specific
တစ်ချို့၀က်ဆိုက်တွေက အကောင့် တစ်ခုကနေတစ်ခုကို အလွယ်တကူပြောင်းသုံးနိုင်အောင်ပြုလုပ်ပေးထားပါတယ်။ Google ရဲ့ ၀က်ဆိုက်တွေမှာ အကောင့်တစ်ခုကနေအခြားတစ်ခုကိုအလွယ်ပြောင်းသုံးနိုင်ပါတယ်။ Google Account Settings မှာသွားပြီးလုပ်လို့ရပါတယ်။