Samsung နဲ့ Intel တို့ ပူးပေါင်းတီထွင်လိုက်တဲ့ Smartphone Operating System အသစ်ဖြစ်တဲ့ Tizen ကို ပြီးခဲ့တဲ့ ကြာသပတေးနေ့ ကပဲ မိတ်ဆက်လိုက်ပါတယ် ။ Tizen မိုဘိုင်း Operating System အသစ်ကို ၂၀၁၄ ဖေဖော်ဝါရီလ ၂၃ ရက်နေ့မှာ Barcelona မှာကျင်းပမဲ့ World Mobile Congress မှာ စတင်ပြသသွားမယ်လို့ သိရှိရပါတယ် ။ Samsung နဲ့ Intel ကတော့ သူတို့ရဲ့ နောက်ဆုံးပေါ် Tizen Device တွေရဲ့အကြောင်းကို မခြွင်းမချန် ဖော်ပြသွားမှာဖြစ်ပြီး Tizen Project ရဲ့ အောင်မြင်မှု ဘယ်လောက်ရရှိခဲ့လဲဆိုတာကို World Mobile Congress မှာ ဖော်ပြသွားမှာဖြစ်တယ်လို့ သူတို့ရဲ့ ဖိတ်ကြားစာတွေထဲမှာ ဖော်ပြခဲ့ကြပါတယ် ။
Tizen OS ဟာ ဒီနှစ်အစောပိုင်းက ထွက်ရှိခဲ့တဲ့ Firefox ရဲ့ Firefox Mobile Operating System နဲ့ ဆင်တူတယ်လို့ သိရှိရပါတယ် ။ Tizan OS ဟာ Linux အပေါ်မှာ အခြေခံတည်တောက်ထားတာဖြစ်ပြီးတော့ Samsung ရဲ့ NX2000 နဲ့ NX300 ကင်မရာတွေပေါ်မှာ အသုံးပြုခဲ့ပြီး ဖြစ်ပါတယ် ။
Tizan OS နဲ့ တည်ဆောက်ထားရှိမဲ့ Handset တွေရဲ့ ဒီဇိုင်း နဲ့ ဖွဲ့စည်းတည်ဆောက်ပုံကိုတော့ ဖိတ်ကြားစာ တွေထဲမှာ မဖော်ပြခဲ့ဘူးလို့ သိရှိရပါတယ် ။ Tizen Device တွေကို အကောင်းဆုံးသော ပစ္စည်းတွေနဲ့ပဲ ဖွဲ့စည်းတည်ဆောက်သွားမယ်လို့ Samsung Mobile Business ရဲ့ Executive Vice-President “LEE YONG HEE” ကပြောကြားသွားခဲ့ပါတယ် ။
ပြီးခဲ့တဲ့ နို၀င်ဘာလ ထဲမှာတော့ Panasonic, NTT DOCOMO, Orange, Vodafone, eBay, Sharp, McAfee, Sprint စသည့် ကုမ္ပဏီ ၃၆ ခုတို့က Tizen OS ပေါ်ကို ပြန်လည် မျက်စိကျခဲ့ကြပါတယ် ။
Tizen OS ကိုအသုံပြုထားတဲ့ Samsung ရဲ့ Galaxy S4 ကို ပြီးခဲ့တဲ့ စက်တင်ဘာလ က ထုတ်ဖော်ပြသခဲ့ပြီးပြီဖြစ်ပါတယ် ။ ယခု ပထမဆုံးထွက်ရှိလာမဲ့ Tizen Handset တွေမှာ Tizen OS 2.2.1 ကိုအသုံးပြုထားတာဖြစ်ပါတယ် ။ ဒါပေမဲ့လည်း Samsung ဟာ Tizen OS 3.0 ကို စတင်အကောင်အထည်ဖော်နေပြီလို့လဲ သိရှိရပါတယ် ။