Message ပို့သူ နဲ့ လက်ခံရရှိသူ နှစ်ယောက်ထဲသာ သိရှိနိုင်မဲ့ လုံခြုံစိတ်ချရတဲ့ Chat Service တစ်ခုကို BitTorrent က စတင်တော့မှာ ဖြစ်တယ်လို့ ပြီးခဲ့တဲ့ လ အနည်းငယ် က ကြေညာခဲ့ပါတယ် ။ ဒီနေ့တော့ BitTorrent ဟာ သူ့ရဲ့ Chat Service ဘယ်လိုအလုပ်လုပ်မလဲ ဆိုတာကို ဖော်ပြလိုက်ပြီ ဖြစ်ပါတယ် ။ BitTorrent ရဲ့ ပြောကြားချက်အရ BitTorrent ဟာ Security ပိုင်းဆိုင်ရာအရ ကျိုးပေါက်မှု့တွေရှိပြီး Government က Users တွေရဲ့ Data အချက်အလက်တွေကို တောင်းကြည့်လို့ရတဲ့ Central Server တွေပေါ်မှာ Users တွေကို Log In လုပ်စရာမလိုဘဲ ဆက်သွယ်လို့ရအောင်ပြုလုပ်ပေးမှာ ဖြစ်တယ်လို့ သိရှိရပါတယ် ။ BitTorrent ရဲ့ Message Service ဟာ Public Encryption Key ကို အသုံပြုပြီး Users တွေရဲ့ Message တွေကို တစ်ခြားသူတွေမသိအောင် Encrypt လုပ်ထားပေးမှာဖြစ်ပါတယ် ။ Users တွေဟာ Chat Service ကို စတင်နိုင်ဖို့ရာ Public Keys တွေကို အချင်းချင်း ဖလှယ်ထားရမှာဖြစ်ပါတယ် ။
ဘာဖြစ်လို့လဲဆိုရင် BitTorrent Chat မှာ Username နဲ့ Password တွေကို အသုံးပြုစရာ မလိုပါဘူး အလွယ်ပြောရရင်တော့ သင့်ရဲ့ Public Keys ဟာ သင်ကိုယ်တိုင်ပဲ ဖြစ်ပါတယ် ။ ဒါကြောင့် Users တွေဟာ Chat Service ကို မစတင်ခင်မှာ အချင်းချင်း Public Keys တွေကို လဲလှယ်ရတာပဲ ဖြစ်ပါတယ် ။ Public Keys တွေနဲ့ Encrypt လုပ်ထားတဲ့ Message တွေကို ဖြေထုတ်ဖို့ Private Key ကိုတော့ Message ပို့သူရော လက်ခံသူရော ဘယ်သူမှ သိရှိမှာ မဟုတ်သေးပါဘူး ။ ဒါပေမဲ့ Chat တစ်ခုကို စတင်ပြီ ဆိုတာနဲ့ BitTorrent ကနေ Encrypt လုပ်ထားတာကို ဖြေထုတ်ဖို့ ယာယီ Key တစ်ခုကို ထုတ်ပေးမှာဖြစ်ပါတယ် ။ အဲ့ဒီ့ ထုတ်ပေးတဲ့ Key ကို သင့်အနေနဲ့ သင်လက်ရှိ Chat နေတဲ့ Chat Service တစ်ခုမှာသာလျှင် အသုံးပြုလို့ရမှာဖြစ်ပါတယ် ။ ဒီလိုလုပ်ဆောင်ခြင်းအားဖြင့် သင့်ရဲ့ Encrypt လုပ်ထားတာကို ဖြေထုတ်ဖို့ Key ကို တစ်စုံတစ်ယောက် ကများ ရရှိသွားခဲ့ရင်လဲ သင့်ရဲ့ Message တွေကို ၀င်ရောက်ကြည့်ရှု့လို့ မရနိုင်တော့ပါဘူး ။ ဘာဖြစ်လို့လဲဆိုတော့ အထက်ကဖော်ပြခဲ့တဲ့အတိုင်း BitTorrent ကထုတ်ပေးလိုက်တဲ့ Key ဟာ Chat Service တစ်ခုမှာပဲ အသုံးပြုလို့ ရနိုင်တာကြောင့်ပဲ ဖြစ်ပါတယ် ။
User တွေအချင်းချင်း ချိတ်ဆက်ဖို့ကိုတော့ BitTorrent Chat ဟာ (Distributed Hash Table) DHT ကိုအသုံးပြုပြီး IP Address ကို ရှာဖွေမှာဖြစ်ပါတယ် ။ ဒါကြောင့် Central Server တွေကိုအသုံးပြုစရာ မလိုတော့ပါဘူး ။ သူ့ရဲ့ အလုပ်လုပ်ပုံကတော့ လွယ်လွယ် ဥပမာပေးရရင် သင်ဟာ သင်သိချင်တဲ့ လူတစ်ယောက်အကြောင်းကို သင့်ရဲ့ အိမ်နီးချင်း(Peer Network) တွေကို မေးမယ် ၊ အိမ်နီးချင်းတွေကလည်း သူတို့ရဲ့ အိမ်နီးချင်းတွေကို ထပ်မေးမယ် ၊ ဒီလိုအဆင့်ဆင့်မေးခြင်းအားဖြင့် သင်သိချင်တဲ့ သူရဲ့ IP Address ကိုရရှိမှာဖြစ်ပါတယ် ။ ဒီ BitTorrent Chat Service ကို ဘယ်အချိန်မှာ စတင်အသုံးပြုနိုင်မလဲဆိုတာကတော့ အတိအကျမသိရသေးပါဘူး ။
