သင့်အနေနဲ့ Android ဖုန်း နဲ့ iPhone တွေကို သုံးစွဲ ရတာငြီးငွေ့ နေပါသလား? Nokia နဲ့ အတူ မွေးဖွားလာခဲ့တဲ့ Smartphone Operating System အသစ်တစ်ခုဖြစ်တဲ့ Sailfish နဲ့ တည်ဆောက်ထားတဲ့ Jolla Smartphone ကိုပြောင်းလဲ သုံးစွဲ ကြည့်လိုက်ပါ ။ နို၀င်ဘာလ ကုန်ခါနီးလောက်က Finland နိုင်ငံတစ်နိုင်ငံထဲမှာပဲ ၀ယ်ယူနိုင်ခဲ့တဲ့ Jolla Smartphone ဟာ ခုချိန်မှာဆိုရင် Finland , Switzerland နဲ့ Europe နိုင်ငံတွေမှာ ၀ယ်ယူနိုင်ပါပြီ ။ ဈေးနှုန်းကတော့ ယူရို 399 ဖြစ်ပြီး အမေရိကန်ဒေါ်လာနဲ့ ဆိုရင်တော့ 545 ဖြစ်ပါတယ် ။ လာမဲ့ ၂၀၁၄ ခုနှစ်မှာတော့ နိုင်ငံတော်တော် များများ ကို ဖြန့်ချီနိုင်မယ်လို့ ခန့်မှန်းထားကြောင်း သိရှိရပါတယ် ။
Jolla Smartphone ရဲ့ မျက်နှာပြင်အကျယ်ကတော့ ၄.၅ လက်မဖြစ်ပြီး Resolution ကတော့ 540×960 Pixel ဖြစ်ပါတယ် ။ Jolla ဟာ Dual-Core 1.4GHz Qualcomm Snapdragon 400 Processor ကို အသုံးပြုထားတာဖြစ်ပါတယ်။ RAM ကတော့ 1GB ရှိပြီး Internal Storage ကတော့ 16GB ဖြစ်ပါတယ်။ Jolla မှာ အရှေ့ နဲ့ အနောက် ကင်မရာ နှစ်ခု ပါ၀င်မှာ ဖြစ်ပါတယ် ။ Video Chat တွေ ပြုလုပ်နိုင်တဲ့ အရှေ့ဘက် ကင်မရာ မှာတော့ 2 Megapixel ဖြစ်ပြီး ကျောဘက် ကင်မရာ ကတော့ 8 Megapixel ဖြစ်ပါတယ် ။ Jolla ရဲ့ တစ်ခြားသော ဖုန်းတွေနဲ့ မတူတဲ့ အချက်ကတော့ သူ့ရဲ့ နောက်ကျောဘက် အခွံ (Smart Cover ) ကို ဖြုတ်ပြီး Colour အမျိုးမျိုးနဲ့ ပြောင်းလဲအသုံးပြုလို့ရပါတယ် ။ နောက်ကျောဘက် အခွံ (Smart Cover ) ကို“The Other Half” လို့ခေါ်ပါတယ် ။ ဒါ့အပြင် နောက်ကျောဘက် အခွံနေရာမှာ Keyboard , E-ink Screen တို့ကို ထည့်သွင်းအသုံးပြုလိုရကြောင်း သိရှိရပါတယ် ။
Nokia ရဲ့ Window Phone တွေပေါ်ကို ပြောင်းလဲအာရုံစိုက်မှုကို မလိုလားတဲ့ Nokia ရဲ့ အလုပ်သမားဟောင်းတွေက Jolla ကို စတင်တွေ့ရှိခဲ့တာ ဖြစ်ပါတယ် ။ Sailfish OS ဟာ MeeGoo Software ပေါ်မှာ အခြေခံထားတာဖြစ်ပြီး Android Application တော်တော်များများ နဲ့လည်း အဆင်ပြေတယ်လို့ သိရှိရပါတယ် ။
