သတင်းအချက်အလက် နှင့် ဆက်သွယ်ရေးနည်းပညာဖွံ့ဖြိုးတိုးတက်စေရေးအတွက် ရန်ကုန်တိုင်းဒေသကြီး ကွန်ပျူတာပညာရှင် အသင်းမှ ကြီးမှုး၍ ၂၀၁၄ ခုနှစ်၊ ဖေဖော်ဝါရီလ (၁၅) ရက် (စနေနေ့) နေ့လယ် (၂:ဝ၀ မှ ၄:ဝ၀) နာရီအထိရန်ကုန်မြို့၊ လှိုင်မြို့နယ်၊ MICT Park၊ အခန်း (၂၀၅) တွင်ကွန်ပျူတာပညာရှင် ဦးစိုးမိုးအောင် (Verizon Wireless, USA) မှ “Robotic Programming (Learning for Life; Learning to Innovate)” နှင့်ပတ်သက်၍ ဆွေးနွေးပြောကြားပေးမည် ဖြစ်သည်။
အဆိုပါ ဟောပြောပွဲ၌ သိပ္ပံနည်းပညာ၊ သင်္ချာပညာရပ်များကို အသုံးချ၍ Robotic စက်ရုပ်တစ်ခုကို Programming နည်းပညာဖြင့် မည်ကဲ့သို့ ထိန်းချုပ်ခိုင်းစေနိုင်သည်ကို ပြောကြားပေးသွားမည်ဖြစ်သည်။
အဆိုပါ ဟောပြောပွဲကို အထက်တန်းကျောင်းသားများ၊ ကောလိပ်ကျောင်းသားများ၊ ဘွဲ့ရပြီးသူများနှင့် တကွ Robotic Programming ကို စိတ်ပါဝင်စားသူမည်သူမဆို (အခမဲ့) တက်ရောက် ဆွေးနွေးနိုင်ပါသည်။ အသေးစိတ်သိလိုပါက မြန်မာနိုင်ငံကွန်ပျူတာပညာရှင်အသင်းရုံးခန်း၊ အဆောင်(၄)၊ အခန်း (၄)၊ MICT Park၊ ဖုန်း – ၆၅၂၂၇၆၊ ဝ၉-၇၃၀၈၈၃၀ဝ သို့ ဆက်သွယ်မေးမြန်းနိုင်ပါသည်။
