ပြည်သူ့ရင်ပြင်ရှိ ရေပန်းရုပ်ရှင်ပြသခြင်းအစီအစဉ်ကို သီတင်းကျွတ်လပြည့်နေ့မှ စတင်ကာအပတ်စဉ် ပြန်လည်ပြသသွားမည်ဖြစ်ကြောင်း သိရသည်။ ရေပန်းရုပ်ရှင်ပြသခြင်းအား မိုးရာသီတွင် ခေတ္တရပ်နားထားရာမှ သီတင်းကျွတ်လပြည့်နေ့မှ စတင်ကာစနေ၊တနင်္ဂနွေနှင့် အစိုးရရုံးပိတ်ရက်များတွင် ညနေ ၆ နာရီမှ ၇ နာရီ အထိပြသသွားမည်ဟုဆိုသည်။
“ရေပန်းရုပ်ရှင်နှင့် fountain dancing ရေပန်းအကကိုလူတွေတော်တော်စိတ်၀င်စားကြတယ်။ ရေပန်းရုပ်ရှင်မှာလည်း ဇာတ်လမ်းတိုလေးတွေကို အဓိကပြသပေးသွားမှာပါ” ဟု Natural World တာ၀န် ရှိသူတဦးကပြောသည်။ သီတင်းကျွှတ်လပြည့်နေ့တွင် ရေပန်းရုပ်ရှင်ပြသခြင်းအပြင် မြန်မာ့ရိုးရာအကများတိုင်းရင်းသားအကအလှများ နှင့်ပါတိုးချဲ့ဖျော်ဖြေတင်ဆက်သွားမည် ဖြစ်ကြောင်းသိရသည်။
ပြည်သူ့ရင်ပြင်နှင့် အပန်းဖြေကစားကွင်းကို နေ့စဉ်နံနက်၈နာရီ မှည၈နာရီအထိဖွင့်လှစ်ထားပြီး တစ်ဦး
လျှင်၀င်ကြေးကျပ် ၃၀၀နှုန်း သတ်မှတ်ထားကြောင်း သိရှိရသည်။