Nokia ရဲ့ ပထမဆုံး Tablet ဖြစ်တဲ့ Lumia 2520 ကို AT&T Wireless Carrier ကနေ နို၀င်ဘာလ(၂၂) ရက်နေ့မှာ ရောင်းချမှာဖြစ်ပါတယ် လို့ Nokia က တရား၀င်ပြောကြားပါတယ်။ Lumia 1520 နဲ့ Microsoft Xbox One တို့ ထွက်ရှိမယ့် နေ့ နဲ့ တူတူပဲဖြစ်ပြီး ရောင်းဈေး ဒေါ်လာ ၃၉၉.၉၉ သတ်မှတ်ထားပါတယ်။ Verizon ကနေ ဘယ်လောက်နဲ့ ရောင်းမယ်ဆိုတာတော့ ပြောကြားခြင်းမရှိပါဘူး။ Lumia 2520 ကို ပြီးခဲ့တဲ့ လ က Abu Dhabi မှာ ကျင်းပခဲ့တဲ့ Nokia World ပွဲမှာ ပထမ ဆုံးထုတ်ဖော်ပြသခဲ့တာဖြစ်ပါတယ်။
Nokia ရဲ့ ပထမဆုံး Tablet ဟာ ၁၀.၁ လက်မ ရှိပြီး 1080p Display တပ်ဆင်ထားပြီး Nokia က ဒီနေ့ ပြသလိုက်တဲ့ပုံတွေအရ Microsoft Surface 2 Tablet နဲ့ ဆင်တူတဲ့ Keyboard Cover ပါရှိတာကိုတွေ့ရပါတယ်။ 4G LTE အသုံးပြုနိုင်မှာဖြစ်ပြီး 8,000 mAh Battery ကတော်တော်ကြာကြာ အသုံးခံမှာပါ။ အနောက်ကင်မရာ က 6.7 Megapixel ရှိပါတယ်။ Windows 8 ကိုမောင်းနှင်လည်ပတ်မှာဖြစ်ပြီး Nokia ရဲ့ ကိုယ်ပိုင် Windows 8 App တွေဖြစ်တဲ့ HERE Maps, Camera App, Storyteller Image App တို့လည်းပါရှိပါမယ်။ AT&T က 32GB Storage ပါရှိတဲ့ Lumia 2520 ကို နှစ်နှစ်စာချုပ် အပါအ၀င် ဒေါ်လာ ၃၉၉.၉၉ နဲ့ နို၀င်ဘာလ (၂၂) ရက်နေ့မှာ ရောင်းချမှာဖြစ်ပါတယ်။ Lumia 925 , Lumia 1020, Lumia 1520 တို့နဲ့ တွဲဖက်၀ယ်မယ်ဆိုရင် Lumia 2520 ကို နှစ်နှစ် စာချုပ်အပါအ၀င် ဒေါ်လာ ၁၉၉.၉၉ နဲ့ ၀ယ်ယူနိုင်မှာပါ။