ရန်ကုန်တိုင်းအတွင်း ဖမ်းဆီးရမိ ဆင်ဆာမဲ့နှင့် ညစ်ညမ်းခွေ တစ်သိန်းကျော် ဖျက်ဆီး

ရန်ကုန်တိုင်း ဒေသကြီးအတွင်းမှ ဖမ်းဆီးရမိထားသော ဆင်ဆာမဲ့ ဗီဒီယိုခွေများနှင့် ညစ်ညမ်းခွေများအား ဖျက်ဆီးသည့် အခမ်းအနားကို ဇူလိုင်လ ၃ရက်နေ့က ရန်ကုန်မြို့၊ ဟံသာဝတီအဝိုင်း အနီးရှိ မူးယစ်ဆေးဝါး ပပျောက်ရေး အထိမ်းအမှတ် ပြတိုက်တွင် ကျင်းပခဲ့ကြောင်း သိရပါသည်။

ယခုနှစ် မေလ ၆ရက်နေ့မှ ဇွန်လ ၃၀ရက်အထိ မြို့နယ် ၃၃မြို့နယ်တွင် ဖမ်းဆီးရမိခဲ့သည့် တရားမဝင် ဆင်ဆာမဲ့ ခိုးကူးခွေပေါင်း ၁၁၄၃၁၆ခွေအား ဖျက်ဆီးသည့် အခမ်းအနားသို့ ရန်ကုန်တိုင်းဒေသကြီး အစိုးရအဖွဲ့ ဝန်ကြီးချုပ် ဦးမြင့်ဆွေ၊ ရဲမှုးကြီး ဝင်းနိုင်အပါအဝင် တာဝန်ရှိသူများ၊ ရုပ်ရှင်အစည်းအရုံးနှင့် ဂီတအစည်းအရုံးတို့မှ အနုပညာရှင်များ တက်ရောက်ခဲ့ကြသည်။

ရန်ကုန်တိုင်းဒေသကြီး ဝန်ကြီးချုပ်က “တရားမဝင် ခိုးကူးနေကြတဲ့ ဝသမလောဘသားတွေနဲ့ ထုတ်လုပ်သူတွေက ငွေကြေး အကျိုးအမြတ်မရဘဲ ခေါင်းပုံဖြတ် ခံနေရပါတယ်။