Xbox One ရောင်းချတဲ့ အထိမ်းအမှတ် Party ပွဲတစ်ခုကို Microsoft က New York မှ Time Square မှာ ကြာသပတေးနေ့ က ပြုလုပ်ပေးခဲ့ပါတယ်။ Best Buy မှ ကြိုတင် ၀ယ်ယူထားသူ ပထမဆုံး အယောက် တစ်ထောင် ကို Best Buy Theater ထဲသို့ ည ကိုးနာရီ ခွဲ အချိန်တွင် ၀င်ခွင့်ပေးခဲ့ပါတယ်။ Xbox One Game Demos တွေ ကစားခွင့် ရမှာဖြစ်ပြီး Developers တွေကလည်း လက်မှတ်ရေးထိုးပေးကြပါတယ်။ Macklemore , Ryan Lewis တို့က လည်း သီချင်းများဖြင့် သီဆိုဖျော်ဖြေခဲ့ကြပါတယ်။
အဲဒီ ပွဲ မှာ Xbox One Game တစ်ခုဖြစ်တဲ့ Ryse: Son of Rome and Dead Rising 3 ထဲမှ Zombies တွေ ၊ ရောမသူရဲကောင်း ၀တ်စုံတွေ ၀တ်ဆင်ထားတဲ့ သူတွေနဲ့လည်း ဖျော်ဖြေခဲ့ပါတယ်။
ညလယ်အချိန်မှာ Xbox ထုတ်လုပ်ရေး ဌာန ရဲ့ ဒုတိယ ဥက္ကဌ ဖြစ်သူ Marc Whitten က တန်းစီ ၀ယ်ယူနေတဲ့ ပရိသတ် ထဲမှ ပထမဆုံး ဆယ်ယောက်ကို ဂိမ်းစက် ကို ရောင်းချပေးခဲ့ပါတယ်။ Party ပွဲ ရဲ့ ပုံရိပ်တွေကို ခံစားကြည့်နိုင်ဖို့ Gallery ပြုလုပ်ပေးလိုက်ပါတယ်။