Microsoft ရဲ့ သုတေသန ဌာနက ညာဏ်ရည်တုဆော့ဝဲကို စက်လှေခါးများတွင် ထည့်သွင်းမှာဖြစ်ပါတယ်။ စမတ်စက်လှေခါး ဖြစ်ပြီး လူတွေရဲ့ သွားလာတတ်တဲ့ အမူအကျင့် များကိုမှတ်သားပေးနိုင်ပြီး အလိုအလျှောက်မောင်းနှင်ပေးမှာဖြစ်ပါတယ်။ Artificial Intelligent နည်းပညာဟာ Company ရဲ့ အဓိက အခန်းကဏ္ဍမှာ ပါ၀င်နေပါတယ်လို့ Microsoft ရဲ့ သုတေသီ Peter Lee က Bloomberg ကိုပြောပါတယ်။
Microsoft ရဲ့ သုတေသနဌာနဟာ Sensors များကို စက်လှေခါးမှာ ထည့်သွင်းမှာဖြစ်ပါတယ်။ လူတွေရဲ့ သွားလာတဲ့အလေ့အထကို Sensors များက သုံးလကြာလေ့လာမှာဖြစ်ပါတယ်။ သုံးလကျော်သွားတာနဲ့ AI System က လူတွေရဲ့ သွားလာတတ်တဲ့ အမူအကျင့် တွေကိုသိနားလည်သွားပြီဖြစ်ပါတယ်။ သင်ကြားလေ့လာတဲ့ အပိုင်းဟာ သုံးလပြည့်တာနဲ့ ရပ်နားသွားမှာဖြစ်ပါတယ်။ ပြီးတာနဲ့ စက်လှေခါးက လူတွေသွားလာမယ့် အထပ်တွေကို အလိုအလျှောက်ပို့ဆောင်ပေးမှာဖြစ်ပါတယ်။
“ ဥပမာအားဖြင့် သင်ဟာ ပြီးခဲ့တဲ့ရက်ပိုင်းအတွင်း စက်လှေခါး ထဲမှာ သူငယ်ချင်းတစ်ယောက်နဲ့ နောက်တစ်နေ့မှာ နေ့လည်စာ အတူစားဖို့ ချိန်းဆိုထားတယ်ဆိုပါစို့။ စက်လှေခါး က မှတ်သားထားပေးနိုင်ပြီး နောက်တစ်နေ့ နေ့လည်စာစားချိန်မှာ အဲဒီလူစက်လှေခါးထဲ၀င်လာတာနဲ့ နေ့လည်စာစားတဲ့ခန်းမ ကို အလိုလိုပို့ဆောင်ပေးမှာဖြစ်ပါတယ်။ “ လို့ Lee ကပြောပါတယ်။
Lee ရဲ့ အလုပ်က အနာဂတ်မှာ ထင်ပေါ်ကျော်ကြားလာမယ့် နည်းပညာတွေကို တီထွင်ကြံဆရတာဖြစ်ပါတယ်။ လူအများစုက ကွန်ပြူတာ ၊ မိုဘိုင်းဖုန်းတွေကို အသုံးပြနေချိန်မှာ Microsoft ရဲ့ သုတေသနဌာန ကတော့ ကွန်ပြူတာတွေက လူတွေကို ဘာတွေလုပ်ပေးနိုင်မလဲဆိုတာ စဉ်းစားတီထွင်နေကြတာဖြစ်ပါတယ်လို့ Lee က ပြောပါတယ်။
Microsoft ရဲ့ စမတ်စက်လှေခါး ကို အောက်က ဗီဒီယိုမှာလေ့လာနိုင်ပါတယ်။
http://thenextweb.com/microsoft/2014/01/20/microsoft-research-built-smart-elevator-uses-ai-figure-floor-youre-going/#!sHEvP
