News, Web

“MCPA Professional Series # 1 ဖြစ်သော “Professional Web Developer” စာအုပ်မိတ်ဆက်ပွဲ နှင့် “Cloud Computing and Service Oriented Architecture” ဟောပြောပွဲ ကျင်းပမည်

မြန်မာနိုင်ငံကွန်ပျူတာပညာရှင်အသင်းမှ ကြီးမှူး၍ ၂၀၁၄ ခုနှစ်၊ ဇန်နဝါရီလ (၂၅) ရက် စနေနေ့၊ နေ့လယ် (၂းဝ၀ မှ ၄းဝ၀) နာရီအထိ ရန်ကုန်မြို့၊ လှိုင်မြို့နယ်၊ MICT Park, အခန်း (၂၀၅)တွင် အသင်းသား များ၊ ကျောင်းသူကျောင်းသားများ၊ ကွန်ပျူတာပညာကို လေ့လာလိုက်စားသူများဖတ်ရှုနိုင်ရန် ရည်ရွယ်၍ စီစဉ် ထုတ်ဝေသည့် “MCPA Professional Series” ၏ အမှတ်စဉ်(၁)ဖြစ်သော စာရေးဆရာ ဦးအိမောင် ရေးသား သည့် “Professional Web Developer” စာအုပ်မိတ်ဆက်ပွဲ အခမ်းအနားကို ကျင်းပပြုလုပ်မည်ဖြစ်ပါသည်။ စာအုပ်များကို ဆိုင်များသို့ ဖြန့်ချိခြင်းမပြုမီ ယခုပွဲတွင် စိတ်ဝင်စားသူများအား စာရေးသူ ဦးအိမောင်မှ လက်မှတ်ထိုးရောင်းချပေးမည်ဖြစ်ပါသည်။

စာအုပ်မိတ်ဆက်ပွဲနှင့်အတူ နည်းပညာဟောပြောပွဲတစ်ရပ်ကိုလည်း ပူးတွဲကျင်းပပေးမည်ဖြစ်ပြီး စာရေးသူဦးအိမောင်မှ Cloud Computing နည်းပညာ၏ သဘောသဘာဝများ ဖြစ်ကြသည့် Infrastructure as a Service (IaaS), Platform as a Service (PaaS), Software as a Service(SaaS) အစရှိသည့် အချက်များကို “Cloud Computing and Service Oriented Architecture” ဟူသော ခေါင်းစဉ်ဖြင့် ဆွေးနွေးဟောပြောသွားမည် ဖြစ်ပါသည်။ ထို့ပြင် Mobile Device များ အလျှင်အမြန် အသုံးများလာသည့် အခြေအနေနှင့်အတူ အဓိကကျသည့် Software Development နည်းစနစ်ဖြစ်လာသည့် Service Oriented Architecture (SOA) အကြောင်းကိုလည်း ထည့်သွင်းဆွေးနွေးသွားမည် ဖြစ်ပါသည်။

အဆိုပါ ဟောပြောပွဲသို့ Web နှင့် Software Developer များ၊ ကွန်ပျူတာဘာသာရပ်ဆိုင်ရာ ကျောင်းသူကျောင်းသားများနှင့် Web Development နည်းပညာကို စိတ်ပါဝင်စားသူမည်သူမဆို (အခမဲ့) တက်ရောက်ဆွေးနွေးနိုင်ပါသည်။ အသေးစိတ်သိလို ပါက မြန်မာနိုင်ငံကွန်ပျူတာပညာရှင်အသင်းရုံးခန်း၊ အဆောင်(၄)၊ အခန်း(၄)၊ MICT Park, ဖုန်း-၆၅၂၂၇၆၊ ဝ၉-၇၃၀၈၈၃၀ဝ သို့ ဆက်သွယ်မေးမြန်းနိုင်ပါသည်။

author-avatar

About Ma Naw Phyu Lay

အမည်ရင်းမှာ ယမင်းအေး ဖြစ်ပြီး B.Sc (Zool) Q (Credit) နဲ့ ၂၀၀၂ခုနှစ်တွင် ရန်ကုန်တက္ကသိုလ်မှ ဘွဲ့ရရှိခဲ့၊ Post Graduate Diploma in Computer Application ကွန်ပျူတာဘွဲ့ကို ၂၀၁၀ ခုနှစ်နှင့် Research and Development, Diploma in Business Management ဘာသာရပ်များကို ၂၀၁၂ ခုနှစ်တွင် အောင်မြင်ခဲ့၊ စာပေကို ငယ်ငယ်တည်းက ဝါသနာပါပြီး ၂၀၀၆ ခုနှစ်မှ စတင်ကာ ကိုယ်ပိုင်ဘလော့ဂ်ပေါ်တွင် သုတ၊ ရသ၊ သတင်း၊ ဆောင်းပါး၊ ကဗျာများ စတင်ကာ ရေးသားခဲ့ပြီး စာပေကို မြတ်နိုးသူ တစ်ဦးလည်း ဖြစ်ပါသည်။ လုပ်ငန်းခွင်သို့ ၁၉၉၈ ခုနှစ်မှ စတင် ၀င်ရောက်ခဲ့ပြီး တစ်ဖက်မှ ဝါသနာပါရာ စာပေများ ရေးသားလျက် ရှိပါသည်။ ယခုလက်ရှိတွင် Center for Vocational Training (CVT Myanmar) သင်တန်းကျောင်းတွင် Media Related Officer အဖြစ် တာ၀န်ထမ်းဆောင်ရင်း ဝါသနာပါရာ စာပေများ ဆက်လက်ရေးသားလျက် ရှိပြီး စာရေးဆရာမကောင်း တစ်ဦးဖြစ်ရန် ရည်သန်လျက် ရှိပါသည်။

Leave a Reply

Your email address will not be published. Required fields are marked *