Lenovo က Yoga Tablets တွေကို စတင်မိတ်ဆက်ပေးလိုက်ပါပြီ။ Tablets တွေရဲ့ထူးခြားချက်က Stand တွဲလျက်တပ်ဆင်ထားတာဖြစ်ပါတယ်။ Hollywood နာမည်ကြီးမင်းသား Ashton Kutcher ကို Lenovo ကငှားရမ်းပြီးသူ့ Tablet တွေကိုပွဲထုတ်ခဲ့တာဖြစ်ပါတယ်။
Tablet ကို Mode သုံးမျိုးနဲ့သုံးနိုင်ပြီး လက်နဲ့ကိုင်ပြီးသုံးနိုင်တဲ့ Hold Mode , ရေပြင်ညီမျက်နှာပြင်မှာ လှဲပြီးသုံးနိုင်တဲ့ Tilt Mode, ဒေါင်လိုက်ထောင်ပြီးသုံးနိုင်တဲ့ Stand Mode တို့ဖြစ်ပါတယ်။
Tablet ရဲ့ အောက်ခြေက ဒေါက် တန်းကိုလုံး၀န်းတဲ့ပုံပြုလုပ်ထားပြီး လိုသလိုအနေအထားတဲ့အသုံးပြုနိုင်ပါတယ်။ (၁၈) နာရီအသုံးခံတဲ့ Battery လည်းပါရှိပါတယ်။ Android 4.2.2 ကိုအသုံးပြုထားပြီး 1.2GHz MTK quad-core processor , 1GB RAM ပါရှိပါမယ်။ 16GB Storage ပါရှိပြီး micro SD card slot လည်းပါရှိပါမယ်။ အနောက်ဘက်က ကင်မရာက 5MP ဖြစ်ပြီး မျက်နှာချင်းဆိုင် အရှေ့ ဘက်မှာတော့ 1.6MP ကင်မရာ တပ်ဆင်ထားပြီး Video Call အသုံးပြုနိုင်ပါတယ်။ Resolution ကတော့ 1280×800 ဖြစ်ပါတယ်။
၈ လက်မ နဲ့ ၁၀ လက်မ နှစ်မျိုးထုတ်လုပ်ထားပြီး €229 , €299 အသီးသီး သတ်မှတ်ထားပါတယ်။ နို၀င်ဘာလမှာ ဥရောပ မှာစတင်ရောင်းချမှာဖြစ်ပါတယ်။