အာလူးကြော်များ နေ့စဉ်စားပါက ကင်ဆာရောဂါဖြစ်ပွားနိုင်

အာလူးကြော် အများအပြားကို နေ့စဉ်စားသုံးလျှင် ကင်ဆာရောဂါများဖြစ်ပွားနိုင်သည်ဟု အာဟာရဆိုင်ရာ အထူးကုဆရာ၀န်ကြီး ဒေါက်တာ၀င်း၀င်းမြင့်က ပြောကြားသည်။ အာလူးတွင် ကာဗွန်ဟိုက်ဒရိတ်များစွာ ပါရှိသောကြောင့် ယင်းကိုထပ်မံ၍ ဆီနှင့်ကြော်စားခြင်းဖြင့် ကင်ဆာရောဂါများပါ ဖြစ်ပွားနိုင်ကြောင်း သိရသည်။ “အာလူးက Health food ဖြစ်ပေမယ့် ဆီနဲ့ကြော်လိုက်တော့ Health Food မဖြစ်တော့ဘူး။ ဆီနဲ့ကြော်စားမယ်ဆို ကင်ဆာရောဂါတွေတောင် ဖြစ်နိုင်ိ တယ်။ ကြော်မစားသင့်ဘူး။ ပြုတ်စားမှ အာဟာရ ဖြစ်စေနိုင်တယ်”ဟု ဒေါက်တာ၀င်း၀င်းမြင့်က ထပ်မံပြောပြသည်။ အာလူးတွင် ပါ၀င်သော အာဟာရဓာတ်များဖြစ်သည့် အမျှင်ဓာတ်၊ အသားဓာတ်၊ အချိုဓာတ်၊ ဆိုဒီယမ်ပရိုတင်းဓာတ်၊ မက်ဂနီဆီယမ်၊ ဗီတာမင် Bbနှင့် စီဓာတ် (based on 2000 Kcal Diet) ပါ၀င်မှု ရှိသည်ဟုဆိုသည်။

“အာလူးကြော်က စားနေကျဆိုပေမယ့် တစ်နေ့ကို အထုပ်ကြီးတစ်ထုပ်ထက်ပိုပြီး စားမယ်ဆိုရင် ကင်ဆာရောဂါ ဖြစ်နိုင်ခြေအများကြီး ရှိတယ်။ အကောင်းဆုံးကတော့ ပြုတ်စားတာပဲ”ဟု ယင်းကပြောသည်။ အာလူးကိုကြော်စားခြင်းဖြင့် ယင်းကဲ့သို့ ကင်ဆာရောဂါများ ဖြစ်နိုင်သော်လည်း အာလူးစားခြင်းကြောင့်လည်း ကောင်းကျိုးများစွာ ရရှိနိုင်သည်ဟု သိရသည်။ အူလမ်းကြောင်း ရောင်ရမ်းခြင်း၊ အစာအိမ်ရောင်ရမ်းခြင်း၊ အရိုးနာခြင်းနှင့်ရောင်ခြင်း၊ နှလုံးအားနည်းခြင်းနှင့် ဆောင်းရာသီတွင် လက်ကွဲ ခြေကွဲဖြစ်ခြင်းများကို အာလူးစားသုံးခြင်းဖြင့် သက်သာပျောက်ကင်းနိုင်သည်ဟု သိရသည်။