Huawei ဟာ သူ့ရဲ့ ပထမဆုံး Eight-Core Processor သုံး Honor 3X ကို စတင်မိတ်ဆက်လိုက်ပါပြီ ။ Glory 3X လို့လည်း ကြိုတင်ပြီး လူသိများခဲ့တဲ့ Honor 3X မှာ Core Processor ရှစ်လုံးပါရှိပြီး Processor ရှစ်လုံး ဟာ တစ်ပြိုင်နက် အလုပ်လုပ်နိုင်တယ်လို့လည်း သိရှိရပါတယ် ။ ဒါဟာ Samsung ရဲ့ Exynos 5 Octa Processor ရဲ့ အလုပ်လုပ်နိုင်စွမ်းနဲ့ အတူတူပဲဖြစ်ပါတယ် ။ ဒါပေမဲ့ Huawei ဟာ Samsung ရဲ့ Exynos 5 Octa Processor ကိုအသုံးပြုထားတာမဟုတ်ပါဘူး ။ Honor 3X ဟာ ဒီနှစ်အစောပိုင်းမှာ စတင် မိတ်ဆက်ခဲ့တဲ့ MediaTek MT6592 chipset (octa-core Cortex-A7, 1.7GHz) True Core Processor ကိုအသုံးပြုထားတာဖြစ်ပါတယ် ။ RAM ကတော့ 2GB ဖြစ်ပါတယ် ။
Honor 3X မှာ အရှေ့ နဲ့ အနောက် ကင်မရာ နှစ်လုံး ပါရှိပါတယ် ။ အရှေ့ ကင်မရာ ကတော့ 5 Mega Pixel ရှိပြီး ကျောဘက် ကင်မရာ ကတော့ 13 Mega Pixel ပါရှိပါတယ် ။ Honor 3X ဟာ IPS Screen ကိုအသုံးပြုထားပြီး Resolution ကတော့ 720P ဖြစ်ပါတယ် ။ Smartphone ဈေးကွက်မှာရှိတဲ့ တစ်ခြားသော Smartphone အမျိုးအစားတွေနဲ့ ယှဉ်ရင်တော့ Resolution က နည်းပါတယ် ။ Huawei ကတော့ Honor 3X ကို 1080P Screen Resolution ကို သုံးရင် Battery ဟာ ၂၀ ရာခိုင်နှုန်းလောက် ပိုကုန်တယ်လို့ ဆင်ခြေပေးထားပါတယ် ။ Honor 3X ရဲ့ Battery ကတော့ 3000 mAh ကိုအသုံပြုထားတာဖြစ်ပါတယ်။
Horna 3X ဟာ Dual-Sim အမျိုးအစား ဖုန်း ဖြစ်ပါတယ် ။ Worldwide 3G Networks ကိုလည်း Support လုပ်ပေးတယ်လို့လည်း သိရှိရပါတယ် ။ ဈေးနှုန်းကတော့ တရုတ်ယွမ်ငွေရဲ့ဆိုရင် 1700 ဖြစ်ပြီး အမေရိကန် ဒေါ်လာနဲ့ဆိုရင်တော့ 280 ဖြစ်တယ်လို့သိရပါတယ် ။ ယခုလောလောဆယ်တော့ တရုတ်နိုင်ငံ မှာပဲ ၀ယ်ယူအသုံးပြုလို့ရပါတယ် ။ နောက် လ အနည်းငယ် အတွင်းမှာ ပဲ နိုင်ငံတစ်ကာကို ရောင်းချမယ်လို့ သိရှိရပါတယ် ။
