နေ့စဉ်လက်ဖက်စိမ်းရည် တစ်ခွက်ပုံမှန်သောက်သုံးခြင်းဟာ အသက်ရှည်ရှည်နေနိုင် စေမယ်လို့ လေ့လာမှုတစ်ခု မှာဖေါ်ထုတ်နိုင်ခဲ့ တယ်လို့သိရပါတယ်။ဒါဟာ လက်ဖက်စိမ်းရည်ကရတဲ့ ဓါတ်ပေါင်းတွေဟာ ရောဂါများကို ကာကွယ်ပေးနိုင်ပြီး ကယ်လိုရီနည်ပါးတာ ကြောင့်ပဲ ဖြစ်တယ်လို့ဆိုပါတယ်။
ဗြိတိသျှ နေ့စဉ်စားအာဟာရ ဖေါင်းဒေးရှင်းရဲ့ ထုတ်ပြန်ချက်အရ လက်ဖက်စိမ်းရည်ဟာ သဘာ၀အတိုင်း အရည်ဓါတ်ပြည့်တဲ့ အာဟာရတစ်မျိုး ဖြစ်ပြီး ဓါတ်တိုးဆန့်ကျင် ပစ္စည်းအကြွယ်၀ဆုံးအာဟာရ တစ်မျိုးဖြစ်တယ် လို့သိရပါတယ်။လက်ဖက်ရည်ရဲ့ ကျန်းမာရေးအကျိုးပြု အာနိသင်ကိုအထူးပြု လေ့လာနေတဲ့ Dr.Tim Bond m Flavonoids ပါ၀င်မှုဟာ လက်ဖက်ရည်ကို နာမကျန်း မှုတွေကနေကာကွယ်ပေးစေ နိုင်တဲ့သောက်စရာ ဖြစ်လာစေခဲ့ကြောင်း ပြောကြားထားပါတယ်။
လက်ဖက်ရည်ဆိုရာ မှာလက်ဖက်စိမ်းရည်ဟာ ကိုယ်ခန္ဓာရဲ့ ဇီ၀ဖြစ်ပျက်မှု ဖြစ်စဉ်များကို မြှင့်တင် ပေးနိုင်ပြီး အဆီဓါတ်ကို အူကနေစုပ်ယူခြင်းကို တားဆီးပေးပါတယ်။ဒါအပြင် ဖလူအိုရိုက် ပါ၀င်တဲ့အတွက် လည်းလက်ဖက်စိမ်းရည်သောက်ရင် သွားဖုံးရေစီးကမ်းပြို လိုက်ခြင်းကို ကာကွယ်ပေးပြီး အရိုးတွေကို သန်မာစေတယ်လို့ ဆိုပါတယ်။ ဒါတင်မကသေးပဲ နှလုံးရောဂါကိုလည်း ကာကွယ်ပေးနိုင်ပြီးဆီးကျိတ် ကင်ဆာနဲ့ ခံတွင်းကင်ဆာကိုလည်း ဖြစ်ပွားမှုနှုန်းလျော့ကျ စေတယ်လို့ သိရပါတယ်။