၂၀၀၈ခုနှစ် ဖွဲ့စည်းပုံ အခြေခံ ဥပဒေနှင့် ပတ်သက်၍ အကြံပြုလိုသည်များ ရှိပါက သက်ဆိုင်ရာ လွှတ်တော် ကိုယ်စားလှယ်များမှ တစ်ဆင့် လာမည့် နိုဝင်ဘာ ၁၅ရက် မတိုင်မီ ပေးပို့နိုင်ကြောင်း ပြည်ထောင်စု လွှတ်တော် ဖွဲ့စည်းပုံ အခြေခံ ဥပဒေ လေ့လာသုံးသပ်ရေး ပူပေါင်း ကော်မတီက အောက်တိုဘာ ၃ရက်နေ့စွဲဖြင့် သတင်း ထုတ်ပြန်သည်။
အများပြည်သူ၏ သဘောထားကို ကျယ်ပြန့်စွာ သိရှိနိုင်ရန် အလို့ငှာ မိမိတို့ ကော်မတီသည် ဥပဒေပြုရေး မဏ္ဏိုင်၊ အုပ်ချုပ်ရေး မဏ္ဏိုင်၊ တရားစီရင်ရေး မဏ္ဏိုင်များထံမှ ၎င်းတို့ လေ့လာသုံးသပ်ချက်များနှင့် အကြံပြုချက်များကို ပြည်ထောင်စု လွှတ်တော်မှ တစ်ဆင့် တောင်းခံသွားမည် ဖြစ်ပြီး နိုင်ငံရေး ပါတီများ၊ အသင်းအဖွဲ့များ၊ လူပုဂ္ဂိုလ်များထံမှ အကြံပြုချက်များကို သက်ဆိုင်ရာ ပြည်ထောင်စု လွှတ်တော် ကိုယ်စားလှယ်များထံမှ တစ်ဆင့်လည်းကောင်း (သို့မဟုတ်) ပြည်ထောင်စု သမ္မတ မြန်မာနိုင်ငံတော် ဖွဲ့စည်းပုံ အခြေခံ ဥပဒေ လေ့လာသုံးသပ်ရေး ပူးပေါင်းကော်မတီ၏ အတွင်းရေးမှုးထံသို့ လိပ်မူ၍လည်းကောင်း ပေးပို့နိုင်ကြောင်း အဆိုပါ ကော်မတီမှ သတင်း ထုတ်ပြန်သည်။
ဖွဲ့စည်းပုံ အခြခံ ဥပဒေ လေ့လာသုံးသပ်ရေး ပူးပေါင်း ကော်မတီကို ဇူလိူင်၂၅ရက်က အဖွဲ့ဝင် ၁၀၉ဦးဖြင့် ဖွဲ့စည်း ခဲ့ခြင်း ဖြစ်ပြီး သြဂုတ်၂၃ရက်နှင့် စက်တင်ဘာ ၃၀ရက်တို့တွင် အစည်းဝေးများ ပြုလုပ်ခဲ့ကြောင်း သိရသည်။
မင္းက်င့္တရားနဲ႔အညီ လုပ္ေပါ့