၂၀၁၃ ဒီဇင်ဘာတွင် 4G မိုဘိုင်းကွန်ရက်စတင်နိုင်ရန်ပြင်ဆင်သည့် Digicel မှမြန်မာနိုင်ငံတွင်ရုံး ခန်းဖွင့်လှစ် ခွင့်ရရှိခဲ့ကြောင်း ရင်းနှီးမြုပ်နှံမှုနှင့် ကုမ္ပဏီများညွှန်ကြားမှုဦးစီးဌာနမှ သိရသည်။ ရုံးခန်းဖွင့်လှစ်ခွင့်လျှောက်ထားရာ၌ Digicel Myanmar Consultancy Services Ltd အမည်ဖြင့်၀န်ဆောင်မှု လုပ်ငန်းများလုပ်ကိုင်ခွင့် ပြုပေး ခဲ့ခြင်းဖြစ်ပြီး နို၀င်ဘာ ၁၁ ရက်ကပြန်လည်ခွင့်ပြုပေးခဲ့ခြင်းဖြစ်သည်ဟုဆိုသည်။
Digicel အနေဖြင့်မြန်မာနိုင်ငံတွင် ဆက်သွယ်ရေး၀န်ဆောင်မှုလုပ်ငန်းများ၀င်ရောက်လုပ်ကိုင်ရန် စီစဉ်လျက်ရှိပြီးDigicel နှင့်YSH Finance Limited (First Myanmar Investment ကုမ္ပဏီနှင့် Yoma Strategic Holdings Limited)တို့မှ အကျိုးတူပူးပေါင်းထားပြီးမိုဘိုင်းဆက်သွယ်ရေး လိုင်စင်ရရှိပါက မြန်မာနိုင်ငံတွင် အမေရိကန် ဒေါ်လာ ၆ဒဿမ ၆ဘီလျံ ကျော်ကို တိုက်ရိုက်မြုပ်နှံမှုပြုလုပ်ရန် စီစဉ်ထားကြောင်းသိရသည်။
Digical Group မှတာ၀န်ရှိသူများနို၀င်ဘာ ၁၃ရက်တွင် မြန်မာနိုင်ငံသို့ လာရောက်၍ နေပြည်တော်ရှိရင်းနှီးမြုပ်နှံ မှုနှင့် ကုမ္ပဏီများ ညွှန်ကြားမှုဦးစီးဌာန ညွှန်ကြားရေးမှုးချုပ် ဦးအောင်နိုင်ဦးနှင့်လာရောက်တွေ့ဆုံကာ မြန်မာနိုင်ငံ၏ Telecommunication ကဏ္ဍတွင်ရင်နှီးမြုပ်နှံရန်လိုအပ်သည့် အချက်များ၊ ဥပဒေများကို လာရောက်မေး မြန်းခဲ့သည် ဟုဆိုသည် ။
Digicel Group Limited ကို ၂၀၀၁ခုနှစ် ဧပြီ ၁၉ ရက်တွင် စတင်တည်ထောင်ခဲ့ခြင်းဖြစ်ပြီး အာရှပစိဖိတ်နှင့် အမေရိကန် အလယ်ပိုင်းဒေသတို့တွင် Telecommunication လုပ်ငန်းများကို ကျယ်ပြန့်စွာလုပ်ကိုင်နေပြီး ကမ္ဘာ အနှံ့တွင် ရင်နှီးမြုပ်နှံလုပ်ကိုင်လျက်ရှိကြောင်းသိရပါသည်။
ဘယ္လိုသံုးရမွာလဲ Card ထက္ဝယ္ရမွာလား