LG Company ဟာလည်း Chrome OS ဈေးကွက်ထဲကို တရား၀င် ၀င်ရောက်လာပြီဖြစ်ပါတယ် ။ LG က သူတို့ရဲ့ Chrome OS သုံး All-In-One Desktop ကိုလာမဲ့ ၂၀၁၄ Customer Electronics Show မှာ စတင်ရောင်းချမယ်လို့ ပြီးခဲ့တဲ့ အင်္ဂါနေ့က တရား၀င်ကြေညာသွားခဲ့ပါတယ် ။ LG ရဲ့ Chrome OS သုံး Desktop တွေဟာ စွမ်းဆောင်ရည် မြင့်မားပြီးတော့ ဒီဇိုင်းပိုင်းမှာလည်း လှပသေသပ်မှုရှိပါတယ် ။ LG ရဲ့ Chrome OS သုံး Desktop တွေဟာ အနာဂတ်မှာဖြစ်တည်လာမဲ့ Desktop တွေရဲ့ ပြောင်းလဲမှုတစ်ခု ဖြစ်ပြီး ဒီ Desktop တွေကို အိမ်တွေမှာ ပဲ အသုံးပြုဖို့ရည်ရွယ်ပြီး ထုတ်လုပ်ခဲ့တာ မဟုတ်ဘဲနဲ့ ကျောင်းတွေ ၊ ဟိုတယ်တွေ ၊ Call Center တွေ နဲ့ တစ်ခြားသောလုပ်ငန်းပေါင်းစုံမှာ အသုံးပြုနိုင်ဖို့ ရည်ရွယ်ပြီး ထုတ်လုပ်ခဲ့တာဖြစ်ကြောင်း LG ကပြောကြားသွားခဲ့ပါတယ် ။
Chromebase ရဲ့ Screen အကျယ်ဟာ 21.5 လက်မရှိပြီး HD IPS Screen ကိုအသုံးပြုထားတာဖြစ်ပါတယ် ။ သူ့ရဲ့ Resolution ကတော့ 1080P ဖြစ်ပါတယ် ။ သူ့ရဲ့ Memory က 2GB ဖြစ်ပြီး Intel Celeron Processor ကို အသုံးပြုထားတာဖြစ်ပါတယ် ။ Chromebase ရဲ့ Storage ကတော့ 16GB ရှိပါတယ် ။ သူ့မှာ Video Calling တွေကို ပြုလုပ်နိုင်ဖို့ 1.3 Megapixel ရှိတဲ့ Webcam တစ်ခု နဲ့ Microphone တစ်ခု ပါရှိမှာ ဖြစ်ပါတယ်။ ဒါ့အပြင် 5-Watt Speaker , Keyboard နဲ့ Mouse တစ်ခုစီ ပါရှိမှာဖြစ်ပါတယ် ။ Chromebase တွေဟာ ဈေးကွက်ထဲကို ဈေးနှုန်းဘယ်လောက်နဲ့ ရောက်ရှိလာမလဲဆိုတာကို တော့ တိတိကျကျ မသိရသေးပါဘူး။ Chrome OS သုံး Device တွေဟာ ဈေကွက်ထဲမှာ ဈေးနှုန်းမြင့်မားမှုမရှိတဲ့ အတွက် Chromebase ဟာလည်း ဈေးနှုန်းမြင့်မားနိုင်ချေ မရှိဘူးလို့ ခန့်မှန်းထားကြောင်း သိရှိရပါတယ်။
