ယခုဆိုရင် DELL ရဲ့ Chromebook 11 ဟာ DELL Company ရဲ့ ပထမဆုံး Chrome OS သုံး notebook အဖြစ် တရား၀င်ထွက်ရှိလာပြီ ဖြစ်ပါတယ် ။ Chromebook 11 ကို ကျောင်းများ နဲ့ ကျောင်းသားကျောင်းသူများ ၊ ဆရာများ အတွက် သင်ထောက်ကူ ပစ္စည်းအဖြစ် အဓိက ထားပြီးထုတ်လုပ်ခဲ့တာဖြစ်ပါတယ် ။ Chromebook 11 ရဲ့ မျက်နှာပြင် အကျယ်ဟာ 11.6 လက်မရှိပြီး ၊ Resolution ကတော့ 1366×768 Pixel ဖြစ်ပါတယ် ။
သူရဲ့ Processor ကတော့ Intel Celeron 2955U ဖြစ်ပြီး Internal Storage ကတော့ 16 GB ဖြစ်ပါတယ် ။ RAM ကတော့ 4 GB နဲ့ 2 GB ဆိုပြီး နှစ်မျိုးနှစ်စား ရရှိနိုင်ပါတယ် ။ 4 GB DDR3 RAM ကို အသုံးပြုထားတဲ့ Chromebook တွေကိုတော့ ၂၀၁၄ ဇန်နဝါရီ မှာ UK နဲ့ US တို့မှာ စတင်ရောင်းချမယ်လို့ သိရပါတယ်။ ဈေးနှုန်းကတော့ ဒေါ်လာ ၃၀၀ အောက်လို့တော့ ခန့်မှန်း သိရှိရပါတယ် ။ 2 GB RAM သုံး Chromebook တွေကိုတော့ ၂၀၁၄ ရဲ့ ပထမ လေးလ အတွင်းမှာ ရောင်းချသွားမယ်လို့ သိရှိရပါတယ် ။ ဈေးနှုန်းကတော့ ဒေါ်လာ ၂၅၆ လို့တော့ ခန့်မှန်းသိရှိရပါတယ် ။
Chromebook 11 ရဲ့ အပြင်ဘက် ပုံသဏ္ဍာန် ကိုကြည့်လိုက်တာနဲ့ ကျစ်ကျစ်လစ်လစ် နဲ့ တောက်ပြောင်နေတဲ့ ပုံစံကို မြင်တွေ့ရမှာဖြစ်ပါတယ်။ သူကို အဓိကအားဖြင့် အနက်ရောင် ပလတ်စတစ် Cover နဲ့ တည်ဆောက်ထားပြီးတော့ ၊ သူရဲ့ အရှေ့ဘက် နဲ့ ဘေးဘက် တွေမှာ ငွေရောင် အနားသတ် မျဉ်းတွေနဲ့ သေသေသပ်သပ် တည်ဆောက်ထားတာဖြစ်ပါတယ် ။ Chromebook 11 မှာ USB 3.0 Port ၊ HDMI Port တို့ ပါရှိပြီး Bluetooth 4.0 ကို အသုံးပြုထားတာ ဖြစ်ပါတယ် ။ သူရဲ့ Webcam ကတော့ 720 Pixel ဖြစ်ပြီးတော့ သူရဲ့ Boot လုပ်တဲ့ ကြာချိန်ဟာ 8.4 စက္ကန့်ထက် မကျော်ဘူးလို့သိရပါတယ် ။ သူရဲ့ Battery ကတော့ ၁၀ နာရီ အသုံးခံပြီး ၊ အလေးချိန်ကတော့ ၂.၉ ပေါင် လေးတယ်လို့ သိရှိရပါတယ် ။
Chromebook 11 ဟာ Automatic Update ပြုလုပ်နိုင်ပြီး Data Encryption ၊ Sandboxing စတဲ့ Security နဲ့ ဆိုင်တဲ့ Features တွေကိုလည်း အသုံးပြုနိုင်မှာ ဖြစ်ပါတယ် ။ DELL ရဲ့ Chromebook 11 ဟာ လာမဲ့ ဇန်နဝါရီ လ ထဲမှာ Chrome Web Store ကနေ ရရှိနိုင်မဲ့ Wyse PocketCloud application နဲ့ တွဲဖက်အသုံးပြုနိုင်တော့မှာ ဖြစ်ပါတယ် ။ ဒါကြောင့် ကျောင်းသူ ကျောင်းသား များနဲ့ ဆရာ ဆရာမများ အချင်းချင်း သူတို့ရဲ့ Smartphone တွေ ၊ Tablet တွေ ၊ PC နဲ့ Chromebook တွေကနေ Document တွေကို အလွယ်တကူ Access လုပ်နိုင်တော့မှာ ဖြစ်ပါတယ်။