ကမ္ဘာကျော်ရုပ်ရှင်မင်းသား ဘရက်ပစ်သည် ၄င်း၏ ဇနီးသည်အိန်ဂျလီနာဂျိုလီကို အမေရိကန်ဒေါ်လာ ၂၅၀၀၀၀တန်ဖိုးရှိ စိန်လော့ကတ်တစ်ခု လက်ဆောင် ၀ယ်ပေးခဲ့ကြောင်း အောက်တိုဘာ ၁ရက်က ဒေးလီးမေးလ်မှာ ဖော်ပြထားပါသည်။ ယင်းသည် ကလေးခြောက်ယောက်မိဘများဖြစ်သော်လည်း နုပျိုလတ်ဆတ်ဆဲဖြစ်သည့် ၄င်းတို့နှစ်ဦး၏ အချစ်များကို ပြသလိုက်ခြင်းဖြစ်ပါသည်ဟု ဆိုသည်။
ထို့အပြင် ဂျိုလီသည် ဘရက်ပစ်အတွက် အရေးအကြီးဆုံး လူသားတစ်ဦးဖြစ်ကြောင်း ဖော်ပြလိုက်ခြင်းလည်း ဖြစ်သည်ဟု ဆိုပါသည်။ အသက် ၄၉နှစ်အရွယ်ရှိ မင်းသားချောဘရက်ပစ်နှင့် အသက် ၃၈နှစ်အရွယ်ရှိ မင်းသမီးချောဂျိုလီတို့သည် ယင်းစိန်လော့ကတ်ကို ဟောင်ကောင်မှာရှိသည့် လက်၀တ်ရတနာ အရောင်းဆိုင်တစ်ဆိုင်မှ ၀ယ်ယူလာခဲ့ခြင်းဖြစ်သည်။ ၄င်းတို့ဇနီးမောင်နှံသည် ဟောလိ၀ုဒ်လောကတွင် ၀င်ငွေအများဆုံး ဇနီးမောင်နှံအဖြစ် သတ်မှတ်ခံထားရသူများဖြစ်ပြီး ၄င်းတို့၏ ၀င်ငွေသည် ယခုနှစ်ထဲတွင် အမေရိကန်ဒေါ်လာ ၅၀မီလီယံရှိသည်ဟု သိရပါသည်။
